दोहोरो अंकले घटेको बजारमा ४ ओटा कम्पनीको शेयरमूल्यमा उच्च गिरावट

असार १०, काठमाडौं । साताको अन्तिम कारोबार दिन बिहीवार शेयर बजार दोहोरो अंकले घटेको छ ।   यो दिन बजार अघिल्लो कारोबार दिनको तुलनामा १६ दशमलव ९६ अंकले घटेर २ हजार ८४३ कायम भएको छ । यो दिन कारोबारमा आएका २१९ ओटा कम्पनीमध्ये चार ओटा कम्पनीको शेयरमूल्यमा उच्च गिरावट आएको छ ।  यो दिन ङादी ग्रुप पावर कम्पनी, नेपाल इन्स्योरेन्स कम्पनी, बरुण हाइड्रोपावर कम्पनी र एनआरएन इन्फ्रास्ट्रक्चर डेभलपमेण्ट कम्पनीको शेयरमूल्यमा उच्च गिरावट आएको छ । ती चार ओटा कम्पनीमध्ये सबैभन्दा बढी ङादी ग्रुप पावर कम्पनीको शेयरमूल्य अघिल्लो कारोबार दिनको तुलनामा ५ दशमलव ६८ प्रतिशतले घटेको छ  । यो दिन कम्पनीको शेयर मूल्य प्रतिकित्ता रू. ४९८ मा झरेको हो ।  त्यसैगरी नेपाल इन्स्योरेन्स कम्पनीको शेयरमूल्य अघिल्लो कारोाबार दिनको तुलनामा ५ दशमलव ०८ प्रतिशत, बरुण हाइड्रोपावरको ४ दशमलव ६९ प्रतिशत र एनआरएन इन्फ्रास्ट्रक्चर डेभलपमेण्ट कम्पनीको शेयरमूल्य ४ दशमलव ४४ प्रतिशतले घटेको छ ।  ती चार ओटै चारवटै कम्पनीको शेयरमा क्रेताभन्दा विक्रेता धेरै भएकाले शेयरमूल्य घटेको हो । यो दिन नेपाल इन्स्योरेन्स कम्पनीको शेयरमूल्य प्रतिकित्ता रू. १ हजार १७८,बरुण हाइड्रोपावरको रू. ५२८ र एनआरएन इन्फ्रास्ट्रक्चर डेभलपमेण्ट कम्पनीको शेयर मूल्य रू. ६४५ कायम भएको छ ।