मंसिर १९, काठमाडौं । सात ओटा कम्पनी ३ करोड ८ लाख ४३ हजार २० कित्ता हकप्रद शेयर निष्कासन गर्ने तयारीमा रहेका छन् ।
नियामक निकाय नेपाल धितोपत्र बोर्डमा निवेदन दिएसँगै ती सात ओटा कम्पनीले हकप्रद शेयर निष्कासन गर्ने तयारीमा रहेका हुन् । ती सात ओटा कम्पनी मध्ये दुई ओटा हाइड्रोपावर कम्पनी, दुई ओटा इन्स्योरेन्स कम्पनी, दुई ओटा फाइनान्स कम्पनी र एउटा विकास बैंक रहेका छन् ।
ती सात ओटा कम्पनीमध्ये सबैभन्दा बढी अपि पावरले १ : शून्य दशमलव ३९ अनुपातमा हकप्रद शेयर निष्कासन गर्ने तयारी गरिरहेको छ । कम्पनीले रू. १०० अंकित दरको १ करोड ८ लाख ६० हजार कित्ता हकप्रद शेयर निष्कासन गर्न धितोपत्र बोर्डमा निवेदन दिएको हो ।
कम्पनीले उक्त हकप्रद शेयर निष्कासन गर्नका लागि असोज २५ गते धितोपत्र बोर्डमा निवेदन दिएको थियो । विक्री प्रबन्धकमा मुक्तिनाथ क्यापिटल लिमिटेड रहेको छ । हाल कम्पनीको चुक्तापूँजी रू. २ अर्ब ७५ करोड ८९ लाख रहेको छ । उक्त हकप्रद शेयर निष्कासन बाँडफाँट पछि पूँजी रू. ३ अर्ब ८४ करोड ४९ लाखभन्दा बढी पुग्नेछ ।
त्यसैगरी दोस्रोमा शिखर इन्स्योरेन्स कम्पनीले ५२ लाख ७५ हजार ५७२ कित्ता हकप्रद शेयर निष्कासन गर्नका लागि धितोपत्र बोर्डमा निवेदन दिएको छ । उक्त कम्पनीले उक्त हकप्रद शेयर निष्कासन गर्नका लागि गत जेठ २५ गते धितोपत्र बोर्डमा निवेदन दिएको थियो । विक्री प्रबन्धकमा एनआइबिएल एस क्यापिटल लिमिटेड रहेको छ । उक्त हकप्रद शेयर निष्कासन गर्नका लागि कम्पनीले इक्रा नेपालमा रेटिङ सम्पन्न गराइसकेको छ ।
इक्रा नेपालले इक्रा एपी आर ए रेटिङ प्रदान गरेको छ । यस्तो रेटिङले कम्पनीले समयमा आफ्ना दायित्तव पुरा गर्न सक्ने जनाउँछ । कम्पनीको क्रेडिट रिस्क कम रहेको उल्लेख गरेको छ । हाल कम्पनीको चुक्तापूँजी रू. १ अर्ब ७५ करोड रहेको छ । उक्त हकप्रद शेयर निष्कासन पछि पूँजी रू. २ अर्ब २८ करोड पुग्नेछ ।
त्यसैगरी आइएमई जनरल इन्स्योरेन्स कम्पनीले १० : ४ अनुपातमा हकप्रद शेयर निष्कासन गर्ने तयारीमा गरिरहेको छ । कम्पनी ४६ लाख ३० हजार ३४४ कित्ता हकप्रद शेयर निष्कासन गर्ने तयारीमा रहेको छ । कम्पनीले उक्त हकप्रद शेयर निष्कासन गर्नका लागि धितोपत्र बोर्डमा गत भदौ १७ गते निवेदन दिएको थियो । विक्री प्रबन्धकमा ग्लोबल आइएमई क्यापिटल लिमिटेड रहेको छ । हाल कम्पनीको चुक्तापूँजी रू. १ अर्ब १५ करोड ७५ लाख रहेको छ । उक्त हकप्रद शेयर निष्कासन बाँडफाँट पछि पूँजी रू. १ अर्ब ६२ करोडभन्दा बढी पुग्नेछ ।
त्यस्तै नेपाल फाइनान्स कम्पनीले हाल कायम रहेको चुक्तापूँजीको १ः० दशमलव ७० अनुपातमा हकप्रद शेयर निष्कासन गर्नका लागि कात्तिक १ गते धितोपत्र बोर्डमा निवेदन दिएको छ । उक्त कम्पनी ३४ लाख ५४ हजार ४७४ दशमलव २८ कित्ता हकप्रद शेयर निष्कासन गर्ने तयारीमा रहेको छ । विक्री प्रबन्धकमा प्रभु क्यापिटल लिमिटेड रहेको छ । हाल कम्पनीको चुक्तापूँजी रू. ४९ करोड ३४ लाख ९६ हजार रहेको छ । उक्त हकप्रद शेयर निष्कासन पछि पूँजी रू. ८३ करोड ८९ लाख पुग्नेछ ।
त्यसैगरी कर्पोरेट डेभलपमेण्ट बैंकले १ : १ दशमलव ५ अनुपातममा हकप्रद शेयर निष्कासन गर्न २०७७ पुस २६ गते धितोपत्र बोर्डमा निवेदन दिएको छ । कम्पनीले ३० लाख कित्ता हकप्रद शेयर निष्कासन गर्नका लागि निवेदन दिएको हो । विक्री प्रबन्धकमा सिभिल क्यापिटल मार्केट लिमिटेड रहेको छ । हाल कम्पनीको चुक्तापूँजी रू. ४१ करोड रहेको छ । उक्त हकप्रद शेयर निष्कास पछि कम्पनीको चुक्तापूँजी रू. ७१ करोड पुग्नेछ ।
यस्तै समृद्धि फाइनान्सले २ : १ अनुपातमा २७ लाख २९ हजार ७०५ कित्ता हकप्रद शेयर निष्कासन गर्नका लागि साउन ४ गते धितोपत्र बोर्डमा दिएको छ । विक्री प्रबन्धकमा बि.ओ.के क्यापिटल मार्केट लिमिटेड रहेको छ । हाल उक्त कम्पनीको चुक्तापूँजी रू. ५४ करोड ५९ लाख रहेको छ । उक्त हकप्रद शेयर निष्कासन पछि कम्पनीको चुक्तापूँजी रू. ८१ करोड ८९ लाख ११ हजार पुग्नेछ ।
छ्याङदी हाइड्रोपावर कम्पनीले १० : ३ अनुपातमा ८ लाख ९३ हजार २५ कित्ता हकप्रद हकप्रद शेयर निष्कासन गर्नका लागि गत वैशाख १५ गते धितोपत्र बोर्डमा निवेदन दिएको छ । विक्री प्रबन्धकमा ग्लोबल आइएमई क्यापिटल लिमिटेड रहेको छ । हाल कम्पनीको चुक्तापूँजी रू. २९ करोड ७६ लाख ७५ हजार रहेको छ । उक्त हकप्रद शेयर निष्कासन पछि पूँजी रू. ३८ करोड ६९ लाख ७७ हजार पूग्नेछ ।
हकप्रद निष्कासनका लागि निवेदन दिएका सात ओटा कम्पनीले धितोपत्र बोर्डबाट स्वीकृती पाएपछि मात्र हकप्रद शेयर निष्कासन गर्नेछन् । पछिल्लो समय सर्वोत्तम सिमेन्ट शेयर खरीद प्रकरणमा मुछिएपछि धितोपत्र बोर्डका अध्यक्ष भिक्ष्मराज ढुङ्गाना बर्खास्त भएका थिए ।
अध्यक्ष बर्खास्त भएसँगै लामो समय भइसक्दा पनि धितोपत्र बार्डले एउटा बाहेक अन्य कुनै पनि कम्पनीलाई हकप्रद निष्कासनको अनुमति दिएको थिएन । अव भने क्रमशः सबै प्रक्रिया पुरा गरेका कम्पनीहरुलाई हकप्रद निष्कासनको अनुमति दिने तयारी भइरहेको धितोपत्र बोर्डले बताएको छ ।
यसबीचमा धितोपत्र बोर्डले नारायणी डेभलपमेन्ट बैंकलाई १ : १ अनपातमा १३ लाख १२ हजार ३३८ कित्ता हकप्रद शेयर निष्कासन गर्न गत मंसिर ३ गते अनुमति दिइसकेको छ ।
धितोपत्र बोर्डबाट अनुमति पाएसँगै कम्पनीले पुष ७ गतेदेखि २७ गतेसम्म हकप्रद शेयर निष्कासन गर्नेछ ।
स्रोत : नेपाल धितोपत्र बोर्ड (सबोन)
