पुस २२, काठमाडौं । साताको अन्तिम कारोबार दिन बिहिवार बजार खुलेको साढे एक घण्टा अवधिमा कारोबारमा आएका २२४ धितोपत्र मध्ये अपि पावर कम्पनीको धितोपत्रको सर्वाधिक शेयर खरीद विक्री भएको छ ।
सो अवधिमा कम्पनीको रू. ६ करोड २४ लाख बरावरको शेयर खरीदविक्री भएको हो । कम्पनीको शेयरमूल्य प्रतिकित्ता रू. ४८५ मा कारोबार भइरहेको छ । कम्पनीले हकप्रद शेयर निष्कासन गर्ने तयारीमा रहेकाले सर्वाधिक शेयर खरीदविक्री भएको हो ।
कम्पनीले १:०.३९३ अनुपातमा रू. १०० अंकित दरको १ करोड ८ लाख ६० हजार कित्ता हकप्रद शेयर जारी गर्ने तयारीमा रहेको छ । उक्त हकप्रद शेयर निष्कासन गर्नका लागि कम्पनीले नेपाल धितोपत्र बोर्डमा निवेदन दिइसकेको छ ।
विक्री प्रबन्धक मुक्तिनाथ क्यापिटल लिमिटेड रहेको छ । बोर्डबाट स्वीकृति पाएसँगै हकप्रद शेयर निष्कासन गर्नेछ ।
