असार २१, काठमाडौं । साताको दोस्रो कारोबार दिन सोमवार छ्याङदी हाइड्रोपावर कम्पनीको शेयरमूल्य अघिल्लो कारोबार दिनको तुलनामा ९ दशमलव ६७ प्रतिशतले वृद्धि भएको छ ।
यो दिन कम्पनीको शेयरमूल्य प्रतिकित्ता रू. ४६५ पुगेको हो । कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो ।
३० प्रतिशत हकप्रद शेयर निष्कासन गर्ने तयारीमा कम्पनी रहेकाले पनि लगानीकर्ताको आकर्षण बढेको देखिन्छ ।
कम्पनीले ३० लाख कित्ता हकप्रद शेयर निष्कासन गर्नका लागि नियामक निकाय नेपाल धितोपत्र बोर्डमा निवेदन दिएको छ । धितोपत्र बोर्डबाट स्वीकृती पाएपछि मात्र कम्पनीले हकप्रद शेयर निष्कासन गर्नेछ । हकप्रद शेयर निष्कासनको लागि विक्री प्रबन्धकमा कम्पनीले सिभिल क्यापिटल मार्केटलाई नियुक्त गरेको छ ।
