सञ्जाल शर्मा, बागलुङ ।
अखिल नेपाल युवक संघको बरेङ गाउँपालिका– १ धुल्लुबाँस्कोटमा प्रशिक्षण तथा वडा भेला सम्पन्न भएको छ। युवक संघका गण्डकी प्रदेश सचिव तथा जिल्ला उपाध्यक्ष सञ्जाल शर्माको बिषेश उपस्थितिमा पौष २० गते सम्पन्न भएको हो । लिउँवामा सम्पन्न भेलाले पदम बहादुर रानाको अध्यक्षतामा २३ सदस्यीय वडा समिति गठन गरेको छ।
समितिको उपाध्यक्षमा ओमकार पौडेल , सचिव युवराज गुरुङ, सहसचिव सुमन थापा र कोषाध्यक्षमा खेम बहादुर थापा चयन हुनु भएको छ । सदस्यहरुमा कुमार घर्ती मगर, शिव ढुंगाना, पुजन आचार्य, दयाराम आचार्य, सन्तोष पोखरेल, पुर्ण परियार, कृष्ण थापा, प्रवेश आचार्य, खेम बहादुर थापा, प्रदिप पुन, टिकाराम गलामि, बलराम थापा, राम बहादुर थापा, गोपाल थापा, निरज रुजाल, डोलबहादुर नोहार, प्रेम बहादुर गुरुङ, मदन थापा र डम्बर बहादुर राना रहनुभएको छ।
युवक संघका पालिका उपाध्यक्ष सन्तोष पोखरेलको अध्यक्षतामा सुरु भएको कार्यक्रमलाई युवक संघका नेता शर्माले सम्बोधन गर्दै युवाहरु सचेत र संगठित हुदै समाजमा रहेका अन्याय, अत्याचार, शोषण र भ्रष्टाचारको विरुद्धमा सशक्त भण्डाफोर गर्दै समाज रुपान्तरणमा बिशेष भूमिका खेल्नको लागि युवाहरूलाई आग्रह गर्नु भयो।
त्यसैगरी जिल्ला समन्वय प्रमुख तथा राष्ट्रिय जनमोर्चाका नेता राजेन्द्र ढुंगाना र बरेङ गाउँपालिका अध्यक्ष कृष्ण शर्माले युवाको भेलालाई प्रशिक्षण मन्तव्य दिदै देशको बर्तमान अवस्थामा, युवाको अवस्था र युवा आन्दोलनको दिशा, राष्ट्रियता, गणतन्त्र, धर्म निरपेक्षत, उध्यमशिलता लगाएतका बिषयलाई समेटेर युवाहरूलाई उत्साही बनाउनु भएको थियो।
भेलाले बरेङ गाउँपालिका– १ धुल्लुबाँस्कोट वडा समिति गठन गरे लगतै साविक वडामा टोल समिति गठन गर्ने कार्ययोजना समेत बनाएको छ। जस नुसार यहि पौष २४ गते साविक वडा ६ र ७ मा, पौष २५ गते साविक वडा न. ५ र ९ मा,पौष २६ गते साविक वडा ३ र ४ मा र पौष २७ गते साविक वडा न.१,२ र ८ मा टोल समिति गठन संगै भेला प्रशिक्षण गर्ने ठेगान गरेको छ।
