काठमाडौं । सानिमा बैंक र छिमेक लघुवित्तले संस्थापक तर्फको शेयर आजदेखि विक्रीमा ल्याएका छन् । सानिमा बैंकको २ लाख ५० हजार कित्ता र छिमेक लघुवित्तको १५ हजार कित्ता संस्थापक शेयर विद्यमान संस्थापक शेयरधनीहरूले मात्र खरीद गर्न पाउने गरी विक्रीमा आएको हो ।
सानिमा बैंकको शेयरको मूल्य प्रतिकित्ता १५० रुपैयाँ तोकिएको छ भने छिमेक लघुवित्तको शेयरको मूल्य प्रतिकित्ता ६०० रुपैयाँ तोकिएको छ । तोकिएको मूल्य वा सोभन्दा बढी मूल्य अंकित गरी सम्बन्धित कम्पनीको शेयर खरीदका लागि आवेदन दिन सकिनेछ ।
छिमेक लघुवित्तको शेयर खरीदका कम्पनीको केन्द्रीय कार्यालय मध्य बानेश्वर, काठमाडौंमा र सानिमा बैंकको शेयर खरीदका लागि कम्पनीको केन्द्रीय कार्यालय, नारायणचौर नक्साल, काठमाडौंमा आगामी ३५ दिनभित्र आवेदन पेस गर्नुपर्नेछ ।
तोकिएको अवधिभित्र विद्यमान संस्थापक शेयरधनीहरूबाट आवेदन प्राप्त नभएमा अन्य व्यक्ति तथा संस्थाहरूमा यो शेयर विक्री गरिने जानकारी कम्पनीहरूले दिएका छन् ।
