छिमेक लघुवित्त वित्तीय संस्थाको संस्थापक शेयरका लिलामीमा

छिमेक लघुवित्त सहित तीन कम्पनीको शेयर मूल्य समायोजन

काठमाडौं । सोमवार नेपाल स्टक एक्सचेञ्ज (नेप्से)मा तीन कम्पनीको शेयर मूल्य समायोजन भएको छ । छिमेक लघुवित्त वित्तीय संस्था,गरिमा विकास बैंक र लुम्बिनी विकास बैंकको शेयर मूल्य समायोजन भएको छ । यी तीन कम्पनीले साधारण सभा तथा लाभांश वितरण प्रयोजनार्थ बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो । नेप्सेले छिमेक लघुवित्तको ५ प्रतिशत बोनस शेयर समायोजन गरेको हो । समायोजन पश्चात कम्पनीको शेयर मूल्य रू. ८६५ दशमलव ७१ कायम भएको छ । सोमवार दोस्रो बजारमा कम्पनीको शेयर मूल्य प्रतिकित्ता रू. ९०९ मा अन्तिम कारोबार भएको थियो । त्यस्तै नेप्सेले गरिमा विकास बैंकको ९ दशमलव ५० प्रतिशत बोनस शेयर समायोजन गरेको हो । समायोजन पश्चात कम्पनीको शेयर मूल्य रू. ३७४ दशमलव ४३ कायम भएको छ । सोमवार दोस्रो बजारमा कम्पनीको शेयर मूल्य प्रतिकित्ता रू. ४१० मा अन्तिम कारोबार भएको थियो । नेप्सेले लुम्बिनी विकास बैंकको ४ प्रतिशत बोनस शेयर समायोजन गरेको हो । समायोजन पश्चात कम्पनीको शेयर मूल्य रू. ३८६ दशमलव ५४ कायम भएको छ । सोमवार दोस्रो बजारमा कम्पनीको शेयर मूल्य प्रतिकित्ता रू. ४०२ मा अन्तिम कारोबार भएको थियो । नेप्सेले यी तीन कम्पनीको सोमवार कारोबार दिनको अन्तिम मूल्यका आधारमा शेयर मूल्य समायोजन गरेको हो । यही समायोजित मूल्यका आधारमा भोलि अर्थात पुस १७ गते यी कम्पनीकोे शेयर कारोबार खुल्नेछ ।

Aarthik Abhiyan मंसिर २०८०

छिमेक मोबाइल बैंकिङ एप सञ्चालनमा

छिमेक लघुवित्त वित्तीय संस्था लिमिटेडले आफ्नो बैंकिङ मोबाइल एप सञ्चालनमा ल्याएको छ । शुक्रबार काठमाडौंमा आयोजित एक कार्यक्रमकाबीच नेपाल राष्ट्र बैंकका कायममुकायम गर्भनर डा. निलम ढुंगाना तिमल्सिनाले उक्त एपको उद्घाटन गरेकी हुन् । आफ्ना ग्राहकलाई प्रविधि प्रयोगमार्फत् सुलभ र सहज सेवा प्रदान गर्न एप सञ्चालनमा ल्याइएको लघुवित्तले जनाएको छ । एपको माध्यमबाट किस्ताको अनलाइन भुक्तानी, […]

कारोबार दैनिक मंसिर २०७९

छिमेक लघुवित्तले सञ्चालनमा ल्यायो भुक्तानी एप

छिमेक लघुवित्त वित्तीय संस्था लिमिटेडले बैंकिङ मोबाइल एप सञ्चालनमा ल्याएको छ ।

Shilapatra मंसिर २०७९

छिमेक लघुवित्त वित्तीय संस्था पनि अब एनपीएसमा आबद्ध

छिमेक लघुवित्त वित्तीय संस्था र नेपाल क्लियरिङ हाउसबीच डिजिटल माध्यमबाट भुक्तानी गर्नेसम्बन्धी सम्झौता भएको छ ।

Shilapatra श्रावण २०७९

छिमेक लघुवित्त नेशनल पेमेन्ट इन्टरफेसमा आवद्ध

१ भदौ, काठमाडौं । छिमेक लघुवित्त वित्तीय संस्था लिमिटेड नेपाल क्लियरिङ हाउस (एनसीएचएल) को नेशनल पेमेन्ट इन्टरफेसमा आवद्ध भएको छ । एनसीएचएलको भुक्तानी प्रणालीहरु प्रयोग गरी डिजिटल माध्यमबाट भुक्तानी गर्ने गरी दुई संस्थाबीच सम्झौता भएको लघुवित्तले जारी गरेको प्रेस विज्ञप्तिमा उल्लेख छ । सम्झौतामा छिमेक लघुवित्तका तर्फबाट प्रमुख कार्यकारी अधिकृत चोलाराज शर्मा जोशी र एनसीएचएलका […]

अनलाइनखबर श्रावण २०७९

छिमेक लघुवित्त र आरएमडिसी लघुवित्तको लिलामी शेयरमा आवेदन दिने अन्तिम दिन बुधवार

चैत ८, काठमाडौं । बैंक अफ काठमाण्डूको स्वामित्वमा रहेको छिमेक लघुवित्त वित्तीय संस्था र आरएमडिसी लघुवित्त वित्तीय संस्थाको लिलामीमा शेयरमा आवेदन दिने अन्तिम दिन बुधवारसम्म रहेको छ । उक्त बैंकले आरएमडिसी लघुवित्तको १ लाख ४९ हजार ८ सय कित्ता र छिमेक लघुवित्त वित्तीय संस्थाको ६ लाख ६ हजार १४० कित्ता शेयर फागुन ५ गते देखि लिलामीमा ल्याएको हो । उक्त शेयर खरीद गर्न इच्छुक ती दुबै कम्पनीका विद्यमान संस्थापक शेयरधनीले बुधवार कार्यालय समयभित्र बिओके क्यापिटल मार्केट लिमिटेड नारायणचौर नक्सालमा काठमाडौंमा आइपुग्ने गरी शिलबन्दी बोलपत्र पेश गर्न सक्नेछन् । आरएमडिसी लघुवित्तको शेयरमूल्य प्रतिकित्ता रू.५४० तोकिएको हुँदा सो वा सोभन्दा बढी मूल्य अंकित गरी बोलपत्र पेश गर्नुपर्ने कम्पनीले जानकारी दिएको छ । शेयर खरीदका लागि आवेदन गर्दा न्यूनतम २ हजार कित्ताका लागि आवेदन दिन सकिने छ भने अधिकतम सम्पूर्ण शेयर संख्याको लागि आवेदन दिन सकिने छ । त्यसैगरी छिमेक लघुवित्त वित्तीय संस्थाको शेयरमूल्य प्रतिकित्ता रू. ६०० तोकिएको हुँदा सो वा सोभन्दा बढी मूल्य अंकित गरी बोलकबोल गर्नुपर्नेछ । यस कम्पनीको शेयरमा बोलपत्र पेश गर्दा न्यूनतम २ हजार कित्ता र अधिकतम सम्पूर्ण शेयर सख्याको लागि आवेदन दिन सकिने छ। विक्री प्रबन्धकमाा बिओके क्यापिटल मार्केट लिमिटेड रहेको छ ।

Aarthik Abhiyan फाल्गुन २०७८

छिमेक लघुवित्तसहित चार सहकारीलाई ग्राहक सुरक्षा प्रमाणीकरण प्रमाणपत्र

काठमाडौं, ४ भदौ । ४ वटा सदस्य संस्थाहरुले अन्तर्राष्ट्रिय स्तरको ग्राहक सदस्य सुरक्षा प्रमाणीकरण प्रमाणपत्र प्राप्त गरेका छन् । यो प्रमाण पत्र प्राप्त गर्नेमा स्वावलम्बन विकास केन्द्रका काठमाडौंको छिमेक लघुवित्त वित्तीय संस्था, बाँकेकोे यूनिक नेपाल लघुवित्त वित्तीय संस्था, झापाको सहारा नेपाल बचत तथा ऋण सहकारी संस्था र कैलालीकोे किसान बहुउद्देश्यीय सहकारी संस्था रहेका छन् । […]

Reporters Nepal श्रावण २०७८

चार सहकारीलाई ग्राहक सुरक्षा प्रमाणीकरण प्रमाणपत्र

स्वावलम्बन विकास केन्द्रका ४ वटा सदस्य संस्थाहरुले अन्तर्राष्ट्रिय स्तरको ग्राहक सदस्य सुरक्षा प्रमाणीकरण प्रमाणपत्र प्राप्त गरेका छन् । यो प्रमाण पत्र प्राप्त गर्नेमा काठमाडौंको छिमेक लघुवित्त वित्तीय संस्था, बाँकेकोे यूनिक नेपाल लघुवित्त वित्तीय संस्था, झापाको सहारा नेपाल बचत तथा ऋण सहकारी संस्था र कैलालीकोे किसान बहुउद्देश्यीय सहकारी संस्था रहेका छन् । ग्राहक सदस्य सुरक्षा प्रमाणीकरण […]

कारोबार दैनिक श्रावण २०७८

छिमेक लघुवित्त वित्तीय संस्था : कम्पनी विश्लेषण (बुधवार, २ असार २०७८)

कम्पनीको शेयर मूल्य अघिल्लो कारोबार दिनको तुलनामा मंगलवार ५ रुपैयाँले कमी आएको छ । शेयर मूल्य प्रतिकित्ता रु. १ हजार ७६७ कायम भएको हो । यस दिन कम्पनीको ३३ हजार ८७३ कित्ता शेयर खरिद विक्री भएको छ । कम्पनीले चालू आवको तेस्रो त्रैमासमा रु. ९५ करोड ५९ लाख ६८ हजार नाफा कमाएको छ । कम्पनीले गत आवको तेस्रो त्रैमासमा रु. ५९ करोड ७८ लाख ९० हजार नाफा कमाएको थियो । नाफा गत आवको तुलनामा चालू आवमा ५९ प्रतिशतले वृद्धि भएको हो । चालू आवको तेस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफामा वृद्धि भएको हो । कम्पनीको प्रतिशेयर आम्दानी रु. ६९ दशमलव ६५ रहेको छ । गत आवको मुनाफाबाट शेयरधनीलाई कम्पनीले २२ प्रतिशत बोनस शेयर र ७ प्रतिशत नगद लाभांश वितरण गरेको हो । कम्पनीको बोनस शेयर नेप्सेमा सूचीकृत भइसकेको छ भने नगद लाभांश पनि शेयरधनीको बैंकखातामा पठाइसकेको छ । निष्कर्ष कम्पनीको ६१ दिनको कारोबार अवधिको अन्तिम दिनमा लामो पुच्छर भएको कालो शरीरको मैनबत्ती बनेको छ । यस्तो आकृतिले बजारमा कम्पनीको शेयर मूल्य घट्ने संकेत गर्छ । आरएसआई न्युट्रल जोन ४८ दशमलव ३० बिन्दुमा छ । यसले शेयर खरिद विक्री चाप सन्तुलनमा रहेको देखाउँछ । कम्पनीको स्ट्यान्डर्ड डेभिएसन ७ दशमलव ४६ बिन्दुमा छ । उतारचढाव न्यून रहेको देखाउँछ । यस्तो अवस्थामा जोखिम कम हुन्छ भने प्रतिफल पनि कम हुने गर्दछ । त्यस्तै, कम्पनीको मुभिङ एभरेज २६ दिने औसत मूल्यरेखा र १४ दिने औसत मूल्यरेखा एकअर्कामा टाढिएका छन् । हालको मूल्यरेखा यी दुवै मूल्यरेखाभन्दा तल छ । मंगलवारको शेयर मूल्य रु. १ हजार ७६७ देखि बजारको अवस्था परिवर्तन भई मूल्य सस्तिए रु. १ हजार ७५१ मा टेवा पाउने र महँगिए रु. १ हजार ७९४ मा प्रतिरोध पाउने देखिन्छ ।

Aarthik Abhiyan जेष्ठ २०७८

छिमेक लघुवित्त र ईसेवाबीच डिजिटल भुक्तानीका लागि सम्झौता, लघुवित्तमा पहिलो प्रयोग

बीजमांडू बैशाख २०७७

छिमेक लघुवित्त वित्तीय संस्थाको संस्थापक शेयरका लिलामीमा

सम्बन्धित सामग्री

छिमेक लघुवित्त वित्तीय संस्था लिमिटेडले बैंकिङ मोबाइल एप सञ्चालनमा ल्याएको छ ।