काठमाडौं (अस) । इन्फिनिटी लघुवित्त वित्तीय संस्थाले कास्कीको पोखरा महानगरपालिका–.१८ बिन्ध्यावासिनीमा केन्द्रीय कार्यालय रहेको नेपाल एग्रो लघुवित्त संस्थालाई प्राप्ति गर्न नेपाल राष्ट्र बैंकले सैद्धान्तिक सहमति दिएको छ ।
दुवै संस्थाका सञ्चालक समितिबाट प्रारम्भिक सम्झौतालाई अनुमोदन गरी राष्ट्र बैंकमा सैद्धान्तिक सहमति प्राप्त गर्न निवेदन पेस गरिएकामा राष्ट्र बैंकबाट २०७८ जेठ ११ गते सैद्धान्तिक सहमतिपत्र प्राप्त भएको हो ।
इन्फिनिटी लघुवित्त वित्तीय संस्थाले हाल २९ जिल्लामा ५९ वटा शाखा कार्यालयमार्फत ५१ हजारभन्दा बढी सदस्यलाई सेवा पु¥याउँदै आएको छ । हाल संस्थाको ३ अर्ब ३२ करोड कर्जा लगानी गरेको छ भने ८७ करोड निक्षेप छ ।
.JPG)
