मंगलवार अमेरिकाका राष्ट्रपति जो बाइडन र उनका चिनियाँ समकक्षी सी चिनपिङबीच भर्चुअल शिखरवार्ता सम्पन्न भएपछि त्यसको उपलब्धिका विषयमा चर्चा हुन थालेको छ ।
दुई देशबीच व्यापार सम्बन्ध, ताइवान, मानवअधिकार, नियममा आधारित विश्व व्यवस्था लगायतका विषयमा मतभेद रहेको अवस्थामा राष्ट्रप्रमुखहरूबीच औपचारिक वार्ता हुनु नै सुखद् कुरा हो । त्यसो त दुवै पक्षले यस शिखरवार्ताबाट धेरै अपेक्षा गर्न नहुने बताएका थिए ।
वार्ताको आरम्भ सौहार्दपूर्ण तरिकाले भएको थियो । बाइडन र सी उपराष्ट्रपति हुँदादेखिकै मित्र हुन् र उनीहरूबीच धेरैपटक भेटघाट ...
