काठमाडौं । नेकपा एमालेका वरिष्ठ नेता माधवकुमार नेपालसहित ४ नेतालाई ओली पक्षले स्पष्टीकरण सोधेको छ ।
पार्टीको नीतिविपरीत गतिविधि गरेको आरोपमा वरिष्ठ नेता नेपालसहित नेताहरु भीम रावल, सुरेन्द्र पाण्डे र घनश्याम भुसाललाई स्पष्टीकरणका लागि पत्र पठाएको हो ।
अध्यक्ष केपी शर्मा ओली पक्षले सोमबार केन्द्रीय कमिटीको निर्णयअनुसार नेताहरुलाई स्पष्टीकरण सोधेर पत्र पठाएको हो ।
एमाले केन्द्रीय कार्यालयका सचिव ईश्वर रिजालले आज बिहान चारै नेतालाई पत्र पठाइएको जानकारी दिनुभयो । एमालेको अनुशासनभन्दा बाहिर गएर सामानान्तर कमिटी निर्माण गरेको, भेलासहित अन्य गतिविधि गरेको विषयमा प्रश्न सोधिएको रिजालले बताउनुभयो ।
