धनुषा । यस वर्षको महामूर्खको उपाधि जनकपुरधाम उपमहानगरका प्रमुख मनोजकुमार साहले पाएका छन् भने पटमूर्खको उपाधि भने पत्रकार ऋषि धमलाले पाएका छन् ।
जनकपुरमा प्रत्येक वर्ष होली पर्वको दिन आयोजना हुने महामूर्ख सम्मेलनबाट उनीहरु सम्मानित भएका हुन्।
सम्मेलनमा वडाध्यक्ष, मेयरदेखि प्रदेशसभा सदस्यसमेत सहभागी थिए। मिथिला नाट्यकला परिषद्ले प्रत्येक वर्ष महामूर्ख छान्दै आएको छ। साहलाई प्रशस्ती पत्र, लाटोकोसेरोको मुकुट, मालाले सुशोभित गरी सम्मान गरिएको छ।
भने, पत्रकार धमलालाई पटमूर्ख, पत्रकार वीरेन्द्र रमणलाई सोटाचन्द, मटिहानी नगरपालिकाका नगरप्रमुख हरिप्रसद मण्डललाई वैशाखनन्दन,नेतृ विभा ठाकुरलाई गन्धपसारैन, पूर्वखेलाडी अरुण लाललाई खबसुरता, शिक्षक सञ्जय झालाई लोढाशंकर, बलराम साहलाई बज्रसोटा, अधिवक्ता रेखा झालाई मनटुटिया, रत्नेश्वरलाल कर्णलाई डपोरशंख, कवयित्री किरण झालाई टुनमुसरी, मधेस प्रदेशको वन मन्त्रालयका कर्मचारी लालबाबु यादवलाई हराशंख, मोनास्टिक विद्यालयका डा. सोनुकुमार साहलाई बज्रकिटलगायतको हास्यास्पद उपाधि प्रदान गरिएको छ।