कात्तिक २४, काठमाडौं । धौलागिरी लघुवित्त वित्तीय संस्थाले चालू आवको पहिलो त्रैमासिक वित्तीय विवरण बुधवार सार्वजनिक गरेको छ ।
उक्त वित्तीय विवरण अनुसार कम्पनीले सो अवधिमा रू. ५० लाख ८० हजार खराब कर्जा उठाएको छ । त्यसैगरी खराब कर्जा संकलनमा वृद्धि भएसँगै कम्पनीको नाफा पनि गत आवको पहिलो त्रैमासको तुलनामा चालू आवको सोही अवधिमा १९ दशमलव ४३ गुणा वृद्धि भएको छ ।
गत आवको पहिलो त्रैमासमा रू. ५ लाख ३ हजार नाफा कमाएको उक्त कम्पनीले चालू आवको सोही अवधिमा रू. ९७ लाख ७५ हजार नाफा कमाएको छ । त्यसैगरी, चालू आवको पहिलो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढ्नमा टेवा पुगेको छ ।
कम्पनीको चुक्तापूँजी रू. ७ करोड रहेको छ भने जगेडामा रू. ९ करोड ५६ लाख सञ्चित रहेको छ । चालू आवको पहिलो त्रैमाससम्ममा कम्पनीले रू. ६१ करोड ३ लाख सापटि लिएर, रू.५७ करोड ५९ लाख ४० हजार निक्षेप संकलन गरेर रू. १ अर्ब ३८ करोड ८० लाख कर्जा लगानी गरेको छ ।
यो पनि हेर्नुस् :
चौथो त्रैमासमा धौलागिरी लघुवित्तको खुद नाफा ३.९ गुणा वृद्धि
खुद ब्याज आम्दानी र सञ्चालन नाफामा वृद्धि भएसँगै धौलागिरी लघुवित्तको नाफा ९९ % बढ्यो
धौलागिरी लघुवित्तले चौथो त्रैमाससम्ममा कमायो ८८ लाखभन्दा बढी नाफा
