काठमाडौं। सानिमा बैंकले फोनपे प्रालिको सहकार्यमा ‘सानिमा सजिलो ई–बैंकिङ’ प्रयोगकर्ताका लागि नगद फिर्ता योजना ल्याएको छ । कात्तिक मसान्तसम्म लागू हुने यस योजनामा पहिलो पटक ई–बैंकिङ गर्नेका लागि विभिन्न सुविधा दिने बताइएको छ । यसअन्तर्गत पहिलो पटक सानिमा सजिलो ई–बैंकिङ सेवा प्रयोग गर्ने ग्राहकले एयरलाइन्सको टिकट खरीदमा पाँच प्रतिशत वा अधिकतम रू. २०० नगद फिर्ता पाउनेछन् । त्यस्तै, बिजुलीको बिल तिर्दा दुई प्रतिशत वा अधिकतम रू. २५ र इन्टरनेटको बिल तिर्दा दुई प्रतिशत वा अधिकतम रू. ५० सम्मको नगद फिर्ता हुने बैंकले जानकारी दिएको छ । पहिलो पटक मोबाइल बैंकिङ प्रयोग गरेका ग्राहकलाई प्रोत्साहन गर्न यो योजना ल्याइएको बैंकले जानकारी दिएको छ ।
