मेगा म्युचुअल फण्ड–१ को इकाई आजदेखि विक्रीमा

भदौमा मेगा म्युचुअल फण्ड–१ को प्रति इकाई खुद मूल्य घट्यो

काठमाडौं । मेगा म्युचुअल फण्ड अन्तर्गत सञ्चालित मेगा म्युचुअल फण्ड–१ को खुद सम्पत्ति इकाई मूल्य भदौमा घटेको छ । साउन मसान्तसम्म ८ रूपैयाँ ८३ पैसा रहेको योजनाको प्रति इकाई खुद मूल्य भदौ मसान्तसम्म भने ८ रूपैयाँ ६३ पैसा रहेको छ । १० वर्षे अवधिको बन्दमुखी प्रकृतिको यस योजनाले १२ करोड ५० लाख इकाई जारी गरेको थियो । धितोपत्रमा लगानी गर्ने प्रमुख उदेश्य सहित सञ्चालित यस योजनाले भदौ मसान्तसम्म बैंक मुद्दती निक्षेप सहित धितोपत्रमा गरेको लगानीको परलमूल्य १ अर्ब १८ करोड ५ लाख रूपैयाँभन्दा बढी रहेको छ । योजनाले गरेको लगानीको बजारमूल्य भने ९० करोड ७७ लाख रूपैयाँभन्दा बढी रहेको छ । योजनाले गरेको लगानीको परलमूल्य भन्दा बजारमूल्य कम रहेको छ । योजना भदौ मसान्तसम्म ३ करोड ४४ लाख रूपैयाँभन्दा बढी नोक्सानीमा रहेको छ । साउन मसान्तसम्मको तुलनामा योजनाको नोक्सानी बढेको हो । साउन मसान्तसम्म योजना ९७ लाख ५९ हजार रूपैयाँभन्दा बढी नोक्सानीमा रहेको थियो । रिपोट हेर्न यहाँ क्लिक गर्नुहोस

Aarthik Abhiyan भाद्र २०८०

मेगा म्युचुअल फण्ड-१ को नोक्सानी बढ्यो

काठमाडौं । मेगा म्युचुअल फण्डअन्तर्गत सञ्चालित मेगा म्युचुअल फण्ड-१ को नोक्सानी चैत महीनाको तुलनामा वैशाख महीनामा बढेको छ । चैत मसान्तसम्म रू. ४ करोड १४ लाखभन्दा बढी नोक्सानीमा रहेको योजना वैशाख मसान्तसम्म रू. ७ करोड ५ लाखभन्दा बढी नोक्सानीमा रहेको हो । योजनाको जम्मा आम्दानी वैशाख मसान्तसम्म रू. ५ करोड ४८ लाखभन्दा बढी ऋणात्मक छ । यो रकम चैत मसान्तसम्म रू. २ करोड ७२ लाखभन्दा बढी ऋणात्मक थियो । जम्मा आम्दानी ऋणात्मक रकम वैशाखमा बढ्दा नोक्सानीसमेत बढेको हो । साथै योजनाको खर्चसमेत वैशाखमा बढेको छ । चैत मसान्तसम्म रू. १ करोड ४१ लाखभन्दा बढी खर्च गरेको योजनाले वैशाख मसान्तसम्म रू. १ करोड ५७ लाखभन्दा बढी खर्च गरेको हो । योजनाको प्रतिइकाई खुद सम्पत्ति मूल्य वैशाख मसान्तसम्म रू. ८ दशमलव शून्य ८ कायम भएको छ । यो मूल्य चैत मसान्तसम्म रू. ८ दशमलव ३१ रहेको थियो । धितोपत्रमा लगानी गर्ने प्रमुख उद्देश्यसहित सञ्चालित यस योजनाले वैशाख मसान्तसम्म धितोपत्रमा गरेको लगानीको परलमूल्य धितोपत्र दलाल कमिसन र कारोबार शुल्कसमेत रू. १ अर्ब १६ करोडभन्दा बढी रहेको छ । कम्पनीले गरेको लगानीको कुल मूल्य भने रू. ९७ करोड ५६ लाखभन्दा बढी छ । कुल लगानीमा योजनाले बैंक मुद्दती निक्षेपमा रू. १० करोड लगानी गरेको छ । १० वर्षे अवधिको बन्दमुखी प्रकृतिको यो योजना २०७८ साल भदौ २३ गतदेखि सञ्चालनमा रहेको छ । योजना सञ्चालनका लागि १२ करोड ५० लाख इकाई जारी गरिएको थियो । रिपोर्ट हेर्न यहाँ क्लिक गर्नुहोस्

Aarthik Abhiyan बैशाख २०८०

मेगा म्युचुअल फण्ड सहित पाँच धितोपत्रमा उच्च खरीद माग

जेठ १३, काठमाडौं । साताको अन्तिम कारोबार दिन शुक्रवार बजार खुलेको तीन घण्टाको अवधिमा कारोबारमा आएका २१८ ओटा धितोपत्र मध्ये पाँच धितोपत्रमा उच्च खरीद माग रहेको छ । प्रभु बैंकको संस्थापक शेयर, मेगा म्युचुअल फण्ड १, बलेफी हाइड्रोपावर, माछापुच्छ्रे बैंक, नबिल ब्यालेन्स फण्ड २ को धितोपत्रमा उच्च खरीद माग रहेको हो । यी पाँच धितोपत्रमध्ये सबैभन्दा बढी प्रभु बैंकको संस्थापक शेयरमा ८ लाख ८० हजार ३७५ कित्ता खरीद माग रहेको छ । त्यसैगरी मेगा म्युचुअल फण्ड १ को १ लाख ३५ हजार इकाई, बलेफी हाइड्रोपावरको १ लाख २९ हजार ६५७ कित्ता, माछापुच्छ्रे बैंकको १ लाख ६ हजार १९ कित्ता र नबिल ब्यालेन्स फण्ड २ को १ लाख ४ हजार ८३३ इकाई खरीद माग रहेको हो । यो समचार तयार पार्दासम्म नेप्से परिसूचक २० दशमलव ४७ अंक घटेर २ हजार २१९ दशमलव १३ विन्दुमा झरेको छ भने कुल रू. ९३ करोड ६२ लाख बराबरको शेयर खरीदविक्री भएको छ ।

Aarthik Abhiyan बैशाख २०७९

मेगा म्युचुअल फण्ड - २ सञ्चालनमा आउने, धितोपत्र बोर्डमा दियो निवेदन

वैशाख २६, काठमाडौं । मेगा म्युचुअल फण्डले नयाँ म्युचुअल फण्ड सञ्चालनमा ल्याउने भएको छ । फण्डले मेगा म्युचुअल फण्ड - २ नामक नयाँ म्युचुअल फण्ड सञ्चालनमा ल्याउन लागेको हो । फण्डले उक्त कार्यका लागि नियामक निकाय नेपाल धितोपत्र बोर्डमा गत फागुन ११ गते निवेदन दिएको हो । फण्डले प्रतिइकाई रू. १० का १० करोड इकाई निष्कासन गर्नका लागि धितोपत्र बोर्डमा निवेदन दिएको हो । योजना व्वस्थापक मेगा क्यापिटल मार्केट्स लिमिटेड रहेको छ ।

Aarthik Abhiyan चैत्र २०७८

नेप्सेमा मेगा म्युचुअल फण्ड–१ को इकाई सुचिकृत

मेगा क्यापिटलको ब्यबस्थापनमा निष्काशन भएको मेगा म्युचुअल फण्ड–१ को इकाई नेपाल स्टक एक्सचेन्ज नेप्सेमा सुचिकृत भएको छ। आज मंगलबार फण्डको प्रति इकाई १० रुपैयाँ अंकित दरको १२ करोड ५० लाख इकाई नेप्सेमा सुचिकृत भएको हो । इकाई सुचिकृत भएसंगै बुधबारबाट इकाई खरीद बिक्रि गर्न सकिने छ । MMF1 सिम्बलबाट यसको कारोबार हुने छ। यस योजनाको आकार एक अर्ब पच्चिस करोड रहेको छ । योजनामा सर्वसाधारण लगानीकर्ता र संस्थागत लगानीकर्ताको अनुपात ६१ः३९ रहेको छ । यस निष्काशनमा १,६३,६४६ आवेदकहरुबाट करिब २०,१४,५५,६०० बराबरको इकाई खरीदका लागि आवेदन परेको थियो, जुन बिक्रीको लागि माग गरिएको आवेदन रकम भन्दा २.३७ गुणा बढी हो । निष्काशनमा १०० इकाई देखि ३ लाख ५० हजार इकाईसम्म आवेदन माग गर्ने १,५५,८६४ जना आवेदकहरुलाई माग गरे बमोजिम इकाई बाँडफाँड गरिएको थियो भने ५ लाख देखि १ करोड इकाईसम्म आवेदन गर्ने ३४ जना आवेदकहरुलाई ४३६,३३० इकाई बाँडफाँड गरिएको थियो । बाँकि रहेको २९० इकाई ३४ जना मध्ये २९ जना आवेदकहरुलाई गोलाप्रथा मार्फत थप १० इकाई बाँडफाँड गरिएको थियो ।

Bizpati आश्विन २०७८

मेगा म्युचुअल फण्ड–१ का इकाई बाँडफाँट

मेगा बैक नेपालले प्रवद्र्घन गरेको मेगा म्युचुअल फण्डअन्तर्गत सञ्चालन हुने बन्दमुखी योजना ‘मेगा म्युचुअल फण्ड–१’ को प्रति इकाइमूल्य दस रुपैयाँ दरको दस करोड इकाई मध्ये न्यूनतम एक करोड ५० लाख)वा कुल बिक्री भएको इकाई संख्याको न्युनतम १५ प्रतिशत इकाई कोष प्रवद्र्धक मेगा बैंकका लागि सुरक्षित राखी बाँकी न्यूनतम आठ करोड ५० लाख इकाईको सार्वजनिक निष्काशनमा […]

कारोबार दैनिक श्रावण २०७८

मेगा म्युचुअल फण्ड–१ को इकाई बाँडफाँट

भदौ २४, काठमाडौं । मेगा क्यापिटल मार्केट्स लिमिटेडले भदौ ४ गते देखि १० गतेसम्म विक्री गरेको मेगा म्युचुअल फण्ड–१ को इकाई बाँडफाँट गरेको छ । क्यापिटलले भदौ २३ गते १२ करोड ५० लाख इकाई बाँडफाँट गरेको हो । इकाई खरीदका लागि मागभन्दा बढी आवेदन पर्न आएकाले योजनाको आकारमा २५ प्रतिशत इकार्य थप गरी बाँडफाँट गरिएको क्यापिटलको भनाइ छ । क्यापिटलले प्रतिइकाई रू. १० अंकित मूल्यमा रू. १ अर्ब बराबरको १० करोड इकाई विक्री गरेको थियो । फण्डको कुल इकाई मध्येबाट पनि १५ प्रतिशत वा १ करोड ५० लाख इकाई काष प्रवर्द्धक मेगा बैंकलाई सुरक्षित गरी बाँकी रहेको ८ करोड ५० लाख इकाई सार्वजनिक निष्कासनमार्फत विक्री गरिएको हो । बाँडफाँटका क्रममा भने २५ प्रतिशत अर्थात् २ करोड ५० लाख कित्ता थप गरी १२ करोड ५० लाख कित्ता इकाई वितरण गरिएको हो । यस इकाई खरीदका लागि न्यूनतम १०० कित्तादेखि एक करोडसम्म माग गर्दै आवेदन दिन सकिने व्यवस्था थियो । क्यापिटलले १० वर्षे अवधिको बन्दमुखी प्रकृतिको योजना सञ्चालनका लागि रू. १ अर्ब २५ करोड बराबरको इकाई विक्री गरेको हो ।

Aarthik Abhiyan श्रावण २०७८

मेगा म्युचुअल फण्ड–१ का इकाई बाँडफाँड, कसले कति पाए ?

मेगा क्यापिटलको ब्यबस्थापनमा निष्काशन भएको मेगा म्युचुअल फण्ड–१ को इकाई बाँडफांड भएको छ । मागभन्दा अधिक इकाईका लागि आवेदन परेकोले धितोपत्र बोर्डले जारी निर्देशिका बमोजिम कोषको कुल आकारको अधिकतम २५ प्रतिशत थप गरी प्रति इकाई मूल्य रु १० का दरको बाह्र करोड पचास लाख इकाईहरु बाँडफांड गरिएको क्यापिटलले जनाएको छ ।क्यापिटलका अनुसार रितपूर्वक प्राप्त आवेदन मध्ये १०० इकाई देखि ३ लाख ५० हजार इकाईसम्म आवेदन माग गर्ने १,५५,८६४ जना आवेदकहरुलाई माग गरे बमोजिम इकाई बाँडफाँड गरिएको छ भने ५ लाख देखि १ करोड इकाईसम्म आवेदन गर्ने ३४ जना आवेदकहरुलाई ४३६,३३० इकाई बाँडफाँड गरिएको छ । बाँकि रहेको २९० इकाई ३४ जना मध्ये २९ जना आवेदकहरुलाई गोलाप्रथा मार्फत थप १० इकाई बाँडफाँड गरिएको क्यापिटलले जनाएको छ । यस संगै योजनाको आकार एक अर्ब पच्चिस करोड कायम भएको छ । उक्त योजनामा सर्वसाधारण लगानीकर्ता र संस्थागत लगानीकर्ताको अनुपात ६१ः३९ कायम भएको छ । क्यापिटलले प्रति इकाई मूल्य रु.१० दरको दस करोड इकाई निष्काशन गरेको थियो । जस मध्ये न्यूनतम एक करोड पचास लाख वा कुल बिक्री भएको इकाई संख्याको न्युनतम १५ (पन्ध्र) प्रतिशत इकाई कोष प्रवद्र्धक मेगा बैंक नेपाल लिमिटेडको लागि सुरक्षित राखि बाँकी न्यूनतम आठ करोड पचास लाख इकाई सर्बसाधारणलाई निष्काशन गरिएको थियो । निष्काशनमा सामुहिक लगानी कोष इतिहासमा सबै भन्दा धेरै आवेदनको नयाँ कीर्तिमान कायम गर्दै १,६३,६४६ आवेदकहरुबाट करिब २०,१४,५५,६०० बराबरको इकाई खरीदका लागि आवेदन परेको थियो, जुन बिक्रीको लागि माग गरिएको आवेदन रकम भन्दा २.३७ गुणा बढी आवेदन परेको हो ।

Bizpati श्रावण २०७८

‘मेगा म्युचुअल फण्ड–१’ का इकाईहरुमा २.३७ गुणा बढी आवेदन

काठमाडौं । मेगा म्युचुअल फन्ड अन्तर्गत सञ्चालन हुने बन्दमुखी योजना ‘मेगा म्युचुअल फण्ड–१’ का इकाईहरुमा माग गरिए भन्दा बढीको आवेदन परेको बिक्री प्रबन्धक मेगा क्यापिटलले जनाएको छ । यस योजनाको प्रति इकाई १० का दरको १० करोड इकाई मध्ये न्यूनतम १ करोड ५० लाख वा कुल बिक्री भएको इकाई संख्याको न्युनतम १५ प्रतिशत इकाई कोष प्रवर्धक मेगा बैंक लिमिटेडको लागि सुरक्षित राखिएको थियो । बाँकी न्यूनतम ८ करोड ५० लाख इकाईमा सार्वजनिक निष्काशन गरेको दुई दिनमै मागभन्दा बढि आवेदन प्राप्त भई चौथो

Ratopati श्रावण २०७८

मेगा म्युचुअल फण्ड–१ को इकाई खरीदका लागि आवेदन दिने आज अन्तिम दिन

भदौ १०, काठमाडौं । मेगा क्यापिटल मार्केट्स लिमिटेडले भदौ ४ गतेदेखि सार्वजनिक निष्कासनमा ल्याएको मेगा म्युचुअल फण्ड–१ को इकाई खरीदका लागि आवेदन दिने आज (बिहीवार) अन्तिम दिन रहेको छ । क्यापिटलकै व्यवस्थापनमा सञ्चालन हुने यस फण्डको प्रतिइकाई रू. १० अंकित मूल्यमा रू. १ अर्ब बराबरको १० करोड इकाई विक्री गरेको हो । फण्डको कुल इकाई मध्यबाट पनि १५ प्रतिशत वा एक करोड ५० लाख इकाई काष प्रवर्द्धक मेगा बैंकलाई सुरक्षित गरी बाँकी रहेको ८ करोड ५० लाख इकाई सार्वजनिक निष्कासनमा आएको हो । यस इकाई खरीदका लागि न्यूनतम १०० कित्तादेखि एक करोडसम्म माग गर्दै आवेदन दिन सकिने व्यवस्था छ । फण्डको इकाई खरीदका लागि भदौ ९ गते बुधवार साँझ ५ बजेसम्म १ लाख ३४ हजार ७६० जना आवेदकहरुबाट १४ करोड ६४ लाख ११ हजार ८०० कित्ताको माग भएको छ । मागभन्दा बढी आवेदन परिसकेकाले छिटो अवधि भदौ १० गतेसम्म मात्र कोषले इकाई विक्री खुला गर्न लागेको हो । यस अवधिसम्म माग बमोजिम आवेदन परेको खण्डमा भने ढिलोमा भदौ १८ गतेसम्मको मिति तय गरिएको थियो । १० वर्षे अवधिको बन्दमुखी प्रकृतिको यो फण्डको इकाई खरीदका लागि लगानीकर्ताहरुले विक्री प्रबन्धक मेगा क्यापिटल मार्केटसँगै आस्बा सेवामा सहभागी सम्पूर्ण बैंक तथा वित्तीय संस्था र तीनका शाखा कार्यालयबाट आवेदन दिन सकिनेछ । साथै मेरो शेयर वेब र मेरो शेयर एपबाट पनि यस इकाई खरीदका लागि आवेदन दिन सकिने व्यवस्था छ ।

Aarthik Abhiyan श्रावण २०७८

मेगा म्युचुअल फण्ड–१ को इकाई आजदेखि विक्रीमा

सम्बन्धित सामग्री