१० ओटा म्युचुअल फण्डद्वारा प्रतिफल वितरण गर्ने घोषणा, कुन-कुन कम्पनीको कति ?

साउन २३, काठमाडौं । नेपाल स्टक एक्सचेञ्ज (नेप्से)मा सूचीकृत २३ ओटा म्युचुअल फण्डमध्ये १० ओटा म्युचुअल फण्डले इकाईधनीहरुलाई प्रतिफल (नगद लाभांश) वितरण गर्ने निर्णय गरेका छन् । १० ओटै फण्डले गत आव २०७७/७८ को मुनाफाबाट इकाईधनीलाई नगद लाभांश वितरण गर्ने निर्णय गरेका हुन् । १० ओटा म्युचुअल फण्ड मध्ये लक्ष्मी उन्नति कोष र लक्ष्मी इक्विटी फण्डले इकाईधनीको खातामा लाभांश पठाएको जानकारी गराएका छन् । लक्ष्मी उन्नति कोषले आफ्ना इकाईधनीलाई २५ प्रतिशत नगद लाभांश साउन १९ गतेदेखि खातामा पठाउन शुरु गरेको हो । यस फण्डको नगद लाभांश साउन १२ गतेसम्म कायम इकाईधनीले पाएका छन् । त्यसैगरी, लक्ष्मी इक्विटी फण्डले ३५ प्रतिशत नगद लाभांश साउन २१ गतेदेखि इकाईधनीको बैंक खातामा पठाउन शरु गरेको हो । साउन १४ गतेसम्म कायम इकाईधनीहरुले उक्त नगद लाभांश पाउनेछन् । १० ओटा म्युचुअल फण्डमध्ये सबैभन्दा बढी एनआइबिएल प्रगाति फण्ड र एनआइबिएल सहभागिता फण्डले आप्mना इकाईधनीहरुलाई ५०÷५० प्रतिशत इकाई नगद लाभांश वितरण गर्ने प्रस्ताव गरेको हो । एनआईबिएल प्रगति फण्ड र एनआईबिएल समृद्धि फण्ड १ ले नगद लाभांश वितरणको लागि साउन २९ गते बुक क्लोज गर्ने भएको छन् । यस आधारमा साउन २८ गतेसम्मका कायम इकाईधनीले नगद लाभांश पाउनेछन् । एनआईबिएल समृद्धि फण्ड १ ले आफ्ना इकाईधनीलाई ३५ प्रतिशत नगद लाभांश वितरण गर्ने प्रस्ताव गरेको हो । सिद्धार्थ इक्विटी फण्ड, सिद्धार्थ इन्भेष्टमेण्ट ग्रोथ स्किम, एनआईसी एशिया ग्रोथ फण्ड र एनआईसी एशिया ब्यालेन्स फण्डले ३० प्रतिशतका दरले नगद लाभांश वितरण गर्ने प्रस्ताव गरेका हुन् । यी ४ ओटा योजनाले बुक क्लोजको मिति तय गरेका छैनन् । त्यसैगरी कुमारी इक्विटी फण्डले इकाईधनीलाई ५ प्रतिशत नगद लाभांश वितरण गर्ने प्रस्ताव गरेको हो । यस नगद लाभांश वितरण प्रयोजनको लागि योजनाले बुक क्लोज साउन २५ गते गर्ने भएको छ । यस आधारमा साउन २४ गतेसम्मका कायम इकाईधनीले नगद लाभांश पाउनेछन् । स्रोत : म्युचुअल फण्डद्वारा प्रकाशित नोटिस

पूर्ण विवरण

सम्बन्धित सामग्री

सिटिजन्स म्युचुअल फण्ड–२ ले वितरण गर्‍यो प्रतिफल

काठमाडौं । सिटिजन्स म्युचुअल फण्डअन्तर्गत सञ्चालित सिटिजन्स म्युचुअल फण्ड–२ ले यस वर्षको प्रतिफल वितरण गरेको छ । योजना व्यवस्थापकले असोज ८ गतेदेखि सम्बन्धित इकाईधनीहरूको बैंक खातामा करसमेत ८ प्रतिशत नगद लाभांश वितरण गरिएको जानकारी दिएको हो । नगद लाभांश सम्बन्धित इकाईधनीहरूको बैंक खातामै जम्मा गरिने भएकाले हालसम्म पनि बैंक खाता नम्बर हितग्राही खातामा अद्यावधिक नगराएका इकाईधनीहरूलाई यथाशीघ्र गराउनसमेत योजना व्यवस्थापकले अनुरोध गरेको छ । प्रतिफल प्रयोजनका लागि योजनाले भदौ १९ गते बुक क्लोज गरेको थियो । बुक क्लोजको आधारमा भदौ १८ गतेसम्म कायम इकाईधनीहरूका लागि मात्र योजनाको प्रतिफल वितरण गरिएको हो । भदौ १८ गतेसम्म आफ्नो इकाई धितो राखी कर्जा उपयोग गरेका इकाईधनीहरूको हकमा भने सम्बन्धित बैंक तथा वित्तीय संस्थाबाट फुुकुवापत्र प्राप्त भएपछि मात्र प्रतिफल जम्मा गरिने जानकारी योजना व्यवस्थापकले दिएको छ ।

Aarthik Abhiyan भाद्र २०८०

सनराइज फर्स्ट म्युचुअल फण्डले शुक्रवारदेखि प्रतिफल वितरण गर्ने

काठमाडौं । सनराइज क्यापिटल लिमिटेडको व्यवस्थापनमा सञ्चालित सनराइज फर्स्ट म्युचुअल फण्डले करसमेत १६ प्रतिशत प्रतिफल असोज २६ गते शुक्रवारदेखि वितरण गर्ने भएको छ । गत आर्थिक वर्ष ०७९/८० को मुनाफाबाट योजनाले यस वर्ष करसमेत उक्त लाभांश वितरण गर्न लागेको हो । प्रतिफल प्रयोजनका लागि योजनाले असोज १४ गते बुक क्लोज गरेको थियो । बुक क्लोजको आधारमा असोज १४ गतेभन्दा अघिल्लो कारोबार दिनसम्म कायम इकाईधनीहरूले मात्र योजनाको प्रतिफल प्राप्त गर्नेछन् । योजना व्यवस्थापक सनराइज क्यापिटलको साउन २५ गते दिउँसो ३ः३० बजे बसेको सञ्चालक समितिको बैठकले १३ करोड ७६ लाख रुपैयाँ बराबरको प्रतिफल इकाईधनीहरूलाई वितरण गर्ने निर्णय गरेको थियो । अघिल्लो वर्षको मुनाफाबाट करसमेत १२ प्रतिशत प्रतिफल वितरण गरेको फण्डले यस वर्ष बढाएर प्रतिफल वितरण गर्न लागेको हो ।

Aarthik Abhiyan भाद्र २०८०

पाँच म्युचुअल फण्डको प्रतिफल असोज १० गतेसम्म कायम इकाईधनीहरूले मात्र पाउने

काठमाडौं । पाँच म्युचुअल फण्डहरूले प्रस्ताव गरेको यस वर्षको लाभांश असोज १० गतेसम्म कायम रहेका इकाईधनीहरूले मात्र पाउने भएका छन् । एनएमबी फिफ्टी, एनएमबि हाईब्रिड फण्ड एल–१, सनराइज फर्स्ट म्युचुअल फण्ड, सानिमा इक्वीटी फण्ड र प्रभु सेलेक्ट फण्डको प्रतिफल असोज १० गतेसम्म कायम इकाईधनीहरूले मात्र प्राप्त गर्ने भएका हुन् । यी पाँच कम्पनीहरूले प्रस्तावित प्रतिफल प्रयोजनका लागि तय गरिसकेको बुक क्लोजको आधारमा असोज १० गतेसम्म कायम इकाईधनीहरू मात्र प्रतिफल पाउन योग्य भएका हुन् । एनएमबि म्युचुअल फण्डअन्तर्गत सञ्चालित एनएमबी फिफ्टी र एनएमबि हाईब्रिड फण्ड एल–१ ले प्रस्तावित लाभांश प्रयोजनका लागि असोज १२ गते बुक क्लोज गर्न लागेका हुन् । गत आर्थिक वर्ष ०७९/८० को मुनाफाबाट एनएमबी फिफ्टीले करसमेत १५ प्रतिशत र एनएमबि हाईब्रिड फण्ड एल–१ ले पनि करसमेत १५ प्रतिशत नै प्रतिफल वितरण गर्ने प्रस्ताव गरेका हुन् । सनराइज क्यापिटल लिमिटेडको व्यवस्थापनमा सञ्चालित सनराइज फर्स्ट म्युचुअल फण्डले प्रस्तावित लाभांश प्रयोजनका लागि असोज १४ गते बुक क्लोज गर्ने भएको हो । यस फण्डले गत आर्थिक वर्ष ०७९/८० को मुनाफाबाट इकाईधनीहरूलाई करसमेत १६ प्रतिशत नगद लाभांश प्रतिफल वितरण गर्न लागेको हो । सानिमा क्यापिटल लिमिटेडको व्यवस्थापनमा सञ्चालित सानिमा इक्वीटी फण्डले पनि प्रस्तावित लाभांश प्रयोजनका लागि असोज १४ गते बुक क्लोज गर्ने भएको छ । यस वर्ष योजनाले १८ प्रतिशत लाभांश वितरण गर्ने प्रस्ताव गरेको छ । त्यस्तै प्रभु म्युचुअल फण्डअन्तर्गत सञ्चालित प्रभु सेलेक्ट फण्डले प्रस्तावित प्रतिफल प्रयोजनका लागि असोज १२ गते बुक क्लोज गर्ने भएको छ । फण्डले गत आर्थिक वर्ष ०७९/८० को लागि करसमेत ९ दशमलव ५० प्रतिशत प्रतिफल वितरण गर्ने निर्णय गरेको हो । यस योजनाले पहिलो पटक प्रतिफल वितरण गर्न लागेको हो । कम्पनीहरूको बुक क्लोजको आधारमा नेप्सेले यी कम्पनीहरूको इकाई मूल्यसमेत समायोजन गरेको छ । नेप्सेले असोज १० गतेसम्म कायम इकाई मूल्यको आधारमा एनएमबी फिफ्टीको इकाई मूल्य प्रतिफलपछि ९ रुपैयाँ ७७ पैसा तोकेको छ । एनएमबि हाईब्रिड फण्ड एल–१ को प्रतिफल पछिको इकाई मूल्य नेप्सेले ९ रुपैयाँ ८४ पैसा तोकेको छ । सनराइज फर्स्ट म्युचुअल फण्डको इकाई मूल्य समायोजनपछि ९ रुपैयाँ ६७ पैसा र सानिमा इक्वीटी फण्डको इकाई मूल्य समायोजनपछि ९ रुपैयाँ ९७ पैसा तोकिएको छ । नेप्सेले प्रभु सेलेक्ट फण्डको इकाई मूल्य समायोजनपछि ८ रुपैयाँ ३० पैसा तोकिएको छ ।

Aarthik Abhiyan भाद्र २०८०

सनराइज फस्र्ट म्युचुअल फण्डको प्रतिफल घोषणा

सनराइज फर्स्ट म्युचुअल फण्ड योजनाले आर्थिक वर्ष २०७९/०८० का लागि सनराइज फर्स्ट म्युचुअल फण्डका इकाई धनीहरूलाई प्रतिफल दिने भएको छ । फण्डले करसहित १६ प्रतिशतका दरले हुन आउने रकम १३ करोड ७६ लाख रुपैयाँ प्रतिफल वितरण गर्ने निर्णय गरेको हो । इकाई धनी दर्ता किताब बन्द हुने सम्बन्धी सूचना निकट भविष्यमा फण्डले प्रकाशित गर्ने बताएको […]

कारोबार दैनिक आषाढ २०८०

सनराइज फर्स्ट म्युचुअल फण्ड योजनाको प्रतिफल घोषणा

सनराइज म्युचुअल फण्ड अन्तर्गत सञ्चालित सनराइज फर्स्ट म्युचुअल फण्ड योजनाले आर्थिक वर्ष २०७८/०७९ का लागि सनराइज फस्र्ट म्युचुअल फण्डको प्रतिफल घोषणा गरेको छ ।फण्डका ईकाइधनीलाई कर सहित १२ प्रतिशतका दरले हुन आउने १० करोड ३२ लाख रुपैयाँ प्रतिफल वितरण गर्ने निर्णय गरिएको बैंकले जनाएको छ । साथै ईकाइधनी दर्ता किताब बन्द हुने सम्बन्धी सूचना निकट […]

कारोबार दैनिक श्रावण २०७९

सनराइज म्युचुअल फण्ड योजनाद्वारा १० करोड ३२ लाख प्रतिफल वितरणको निर्णय

सनराइज क्यापिटल लिमिटेडबाट व्यवस्थापन गरिएको सनराइज म्युचुअल फण्ड अन्तर्गत सञ्चालित ‘सनराइज फस्र्ट म्युचुअल फण्ड’ योजनाले प्रतिफल वितरणको निर्णय गरेको छ । आर्थिक वर्ष ०७८/०७९ का लागि सनराइज फस्र्ट म्युचुअल फण्डका इकाइ धनीहरुलाई कर सहित १२% का दरले हुन आउने दश करोड बत्तीस लाख प्रतिफल वितरण गर्ने निर्णय गरिएको हो । साथै इकाइ धनी दर्ता किताब बन्द हुने सम्बन्धी सूचना निकट भविष्यमा प्रकाशित गरिने समेत कम्पनीले जनाएको छ ।

Ratopati श्रावण २०७९

सनराइज फर्स्ट म्युचुअल फण्डको प्रतिफल आजदेखि वितरण गरिने

भदौ २२, काठमाडौं । सनराइज फर्स्ट म्युचुअल फण्डले आज (मंगलवार) गतेदेखि इकाईधनीहरुमा प्रतिफल वितरण गर्ने भएको छ । फण्डले गत आर्थिक वर्ष ०७७/७८ को नाफाबाट इकाईधनीहरुलाई कर सहित ५० प्रतिशत नगद लाभांश वितरण गर्न लागेको हो । सनराइज क्यापिटलको व्यवस्थापनमा सञ्चालित यस योजनाले प्रतिफल प्रयोजनका लागि भदौ १६ गते एक दिन बुक क्लोज गरेको छ । बुक क्लोजको आधारमा भदौ १५ गतेसम्म कायम शेयरधनीहरु मात्र फण्डको प्रतिफल प्राप्त गर्न योग्य भएका छन् । फण्डले इकाईधनीहरुले हितग्राही खातामा उल्लेख गरेको बैंक खातामै नगद लाभांश जम्मा गर्न लागेको हो । यसर्थ हालसम्म पनि बैंक खाता हितग्राही खातामा अद्यावधिक नगरेका इकाईधनीहरुलाई यथाशिघ्र गराई आफ्नो लाभांश सुरक्षित गर्न फण्डले आग्रह गरेको छ । साथै, आफ्नो इकाई धितो राखेका इकाईधनीहरुको हकमा भने प्रतिफल प्राप्त गर्न सम्बन्धित बैंक तथा वित्तीय संस्थाको स्वीकृतिपत्र अनिवार्य रुपमा प्रस्तुत गर्न फण्डले आग्रह गरेको छ ।

Aarthik Abhiyan श्रावण २०७८

प्रतिफल वितरण हुने

एनआईसी एसिया बैंक म्युचुअल फण्डअन्र्तगत सञ्चालित पहिलो खुलमुखी योजना ‘एनआईसी एसिया डाइनामिक डेप्ट फण्ड’ले एकाइ धनीहरुलाई १० प्रतिशत (करसहित) प्रतिफल वितरण गर्ने भएको छ । उक्त प्रतिफल वितरण गर्नका लागि एकाइ धनी दताए किताव बन्द गरिएको बैंकले जनाएको छ ।एनआईसी एसिया क्यापिटलले खुलामुखी योजना एनआईसी एसिया डाइनामिक डेप्ट फण्डबाट वितरण गरिएको प्रतिफललाई पुनः लगानी गर्न […]

कारोबार दैनिक श्रावण २०७८

सनराइज फर्स्ट म्युचुअल फण्डले ५०% प्रतिफल वितरण गर्ने

साउन ३२, काठमाडौं । सनराइज फर्स्ट म्युचुअल फण्डले ५० प्रतिशत प्रतिफल वितरण गर्ने निर्णय गरेको छ । सनराइज क्यापिटल लिमिटेडको व्यवस्थापनमा सञ्चालित यस फण्डले आर्थिक वर्ष ०७७/७८ को लागि कर समेत ५० प्रतिशत प्रतिफल वितरण गर्ने निर्णय गरेको हो । यस प्रतिफलका लागि बुक क्लोजको मिति भने तय हुन बाँकी छ । यस फण्डले ८ करोड ६० लाख इकाई विक्री गरेको हो । असार मसान्तसम्म यस फण्डको प्रतिइकाई खुद सम्पत्ति मूूल्य रू. १९ दशमलव २१ रहेको छ । यस अवधिसम्म फण्डले रू. ७६ करोड ८१ लाख २८ हजार नाफा गरेको छ ।

Aarthik Abhiyan श्रावण २०७८

सनराइज फर्स्ट म्युचुअल फन्डले ४३ करोड प्रतिफल वितरण गर्दै

काठमाडौं । सनराइज बैंक लिमिटेडबाट प्रवद्र्धन गरिएको तथा सनराइज क्यापिटल लिमिटेडबाट व्यवस्थापन गरिएको सनराइज फर्स्ट म्युचुअल फन्डले ४३ करोड प्रतिफल वितरण गर्ने भएको छ ।सनराइज म्युचुअल फन्ड अन्तर्गत सञ्चालित सनराइज फर्स्ट म्युचुअल फन्ड योजनाले आर्थिक वर्ष २०७७/०७८ का लागि इकाइ धनीहरुलाई कर सहित ५०% का दरले प्रतिफल वितरण गर्न लागेको हो । सनराइजले ४३ करोड प्रतिफल वितरण गर्ने निर्णय भएको जनाएको हो ।

Ratopati आषाढ २०७८