पोखरामा अलपत्र परेका विदेशी नागरिकलाई उद्धार गरी काठमाडौं ल्याइएको छ । सरकारले एक साताका लागि आन्तरिक उडानमा प्रतिबन्ध लगाएपनि ५८ विदेशीलाई बुद्ध एयरमार्फत उद्धार गरिएको हो । उद्धार गरिएका अधिकांश फ्रान्सेली नागरिक छन् । उनीहरुलाई फिर्ता लैजान फ्रान्सले चार्टर्ड विमानको बन्दोबस्त गर्दैछ । बिहीबार नै तारा एयरले पनि लुक्लाबाट १५ विदेशीलाई उद्धार गरी काठमाडौँ ल्याएको छ ।
