काठमाडौं । मिर्मिरे लघुवित्त वित्तीय संस्था लिमिटेडले चालू आर्थिक वर्ष (आव)को पहिलो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनी चालू आवको पहिलो त्रैमासमा रू. ३ करोड ९९ लाख नोक्सानीमा छ । गत आवको पहिलो त्रैमासमा भने कम्पनीले रू. २ करोड ८२ लाख नाफामा थियो ।
चालू आवमा कम्पनीको इम्येयरमेन्ट चार्ज बढेकाले नोक्सानीमा गएको हो । गत आवमा कम्पनीको इम्पेयरमेन्ट चार्ज रू. २७ लाख ५ हजार रहेकोमा चालू आवमा बढेर रू. २ करोड ३२ लाख पुगेको छ ।
कम्पनीको सञ्चालन नाफा रू. ५ करोड ७० लाख ऋणात्मक छ । त्यस्तै कम्पनीको खुद ब्याज आम्दानी गत आवको तुलनामा चालू आवमा ७० दशमलव ८५ प्रतिशत घटेको छ । गत आवमा कम्पनीको खुद ब्याज आम्दानी रू. १२ करोड ६१ लाख रहेकोमा चालू आवमा घटेर रू. ३ करोड ७१ लाखमा झरेको हो ।
कम्पनी नोक्सानीमा रहेसँगै प्रतिशेयर आम्दानी २४ रुपैयाँ ४७ पैसा ऋणात्मक छ । गत आवको पहिलो त्रैमासमा भने कम्पनीको प्रतिशेयर आम्दानी १७ रुपैयाँ ३० पैसा थियो । त्यस्तै कम्पनीको निष्क्रिय कर्जा गत आवमा ३ दशमलव ४७ प्रतिशत रहेकोमा चालू आवमा बढेर ६ दशमलव ६७ प्रतिशत पुगेको छ ।
कम्पनीको चुक्ता पूँजी रू. ६५ करोड ३३ लाख छ । चालू आवमा कम्पनीले जगेडामा रू. ३४ करोड ९७ लाख सञ्चिति गरेको छ । रिटेन्ड अर्निङ भने रू. २ करोड ४७ लाख ऋणात्मक छ । कम्पनीको प्रतिशेयर आम्दानी १४९ रुपैयाँ ७५ पैसा र तरलता अनुपात १३ दशमलव ७५ प्रतिशत छ ।
रिपोर्ट हेर्न यहाँ क्लिक गर्नुहोस्
काठमाडौं । नेरूडे लघुवित्त वित्तीय संस्था र मिर्मिरे लघुवित्त वित्तीय संस्थाले आगामी नयाँ वर्ष २०८० सालको वैशाख १० गते मर्जर प्रस्ताव पारित गर्ने भएको छन् । यी दुई कम्पनीले गत पुस ११ गते मर्जरका लागि प्रारम्भिक सम्झौता गरेको र विशेष साधारण सभामार्फत् मर्जर प्रस्तावलाई स्वीकृति दिन लागेका हुन । नेरूडे लघुवित्त वित्तीय संस्था लिमिटेडको मोरङ्ग […]
काभ्रेको बनेपामा केन्द्रीय कार्यालय रहेको मिर्मिरे लघुवित्त वित्तीय संस्था लिमिटेड र मोरङको विराटनगरमा केन्द्रीय कार्यालय रहेको नेरुडे लघुवित्त वित्तीय संस्था आपसमा गाभ्ने–गाभिने (मर्जर हुने) भएका छन् । दुई संस्थाले मर्जर सम्बन्धमा...
१२ पुस काठमाडौं । मिर्मिरे लघुवित्त वित्तीय संस्था र नेरुडे लघुवित्त वित्तीय संस्था बीच एक आपसमा गाभ्ने/गाभिने -मर्जर) सम्बन्धी प्रारम्भिक सम्झौता भएको छ । दुई संस्थाबीच ११ पुस सोमबारको दिन मर्जर सम्बन्धी प्रारम्भिक सम्झौतापत्रमा हस्ताक्षर भएको हो । दुई संस्थाबीच १ः१ को सेयर आदानप्रदान अनुपात (स्वाप रेसियो) मा मर्जरमा जाने सहमति भएको स्रोतले जनाएको छ […]
काठमाडौँ – मिर्मिरे लघुवित्त वित्तीय संस्थाले वुद्ध ज्योति लघुवित्त वित्तीय संस्थालाई एक्वायर (गाभ्ने) गर्ने भएको छ। दुवै कम्पनीको गाभ्ने-गाभिने प्रस्ताव पारित गर्न आज विशेष साधारण सभा बस्दैछ। दुवैले सभाको विशेष प्रस्तावका रुपमा डीडीएका आधारमा स्वाप रेसियो पारित गर्ने, एक्वयारपछि कायम पुँजीका आधारमा प्रिमियममा एफपीओ निष्कासन गर्ने लगायतका एजेन्डा राखेका छन्। यस्तै, कम्पनीको प्रबन्धपत्र तथा नियमावली […]
जेठ ११, काठमाडौं । मिर्मिरे लघुवित्त वित्तीय संस्था लिमिटेडको १५ लाख कित्ता संस्थापक शेयर अन्य व्यक्ति तथा संस्थाहरूले खरीद गर्न पाउने गरी विक्रीमा आएको छ ।
कम्पनीले यस अघि चैत १२ गते विद्यमान संस्थापक शेयरधनीहरूले मात्र खरीद गर्न पाउने गरी ३५ दिने सूचना जारी गरेको थियो ।
उक्त अवधिमा विक्री हुन नसकेको ६५ हजार कित्ता संस्थापक शेयर भने बाहिरी व्यक्ति तथा संस्थामा विक्री गर्न लागेको कम्पनीले बताएको छ ।
इच्छुक खरीदकर्ताहरूले कम्पनीको केन्द्रीय कार्यालय बनेपा ८ काभ्रेपलाञ्चोकमा आवेदन पेश गर्नु पर्नेछ ।
चैत १३, काठमाडौं । मिर्मिरे लघुवित्त वित्तीय संस्थाले ६५ हजार कित्ता संस्थापक शेयर विक्री गर्ने भएको छ ।
कम्पनीले शनिवार एक सूचना जारी गर्दै विद्यमान संस्थापक शेयरधनीहरुले मात्र खरीद गर्न सक्ने गरी उक्त शेयर विक्रीमा ल्याएको जानकारी दिएको छ ।
उक्त संस्थापक शेयर खरीद गर्न इच्छुक विद्यमान संस्थापक शेयरधनीहरुले यो सूचना प्रकाशित गरेको मितिले ३५ दिनभित्र कम्पनीको केन्द्रीय कार्यलय बनेपा ८ काभ्रेपलाञ्चोकमा लिखित जानकारी गराउन अनुरोध गरेको छ ।
तोकिएको समय अवधिभित्र विद्यमान संस्थापकहरुको आवेदन नआएमा बैंक तथा वित्तीय संस्था सम्बन्धी ऐन २०७३, नेपाल राष्ट्र बैंककोएकीकृत निर्देशन र अनुसार प्रचलित कानून बमोजिम शेयर विक्री प्रक्रिया अगाडि बढाउने कम्पनीले जानकारी गराएको छ ।
असार २०, काठमाडौं । मिर्मिरे लघुवित्त वित्तीय संस्थाको बोनस शेयर आइतवार नेपाल स्टक एक्सचेञ्ज(नेप्से) मा सूचीकृत भएको छ ।
कम्पनीले ३ लाख ६४ हजार ४४८ दशमलव ३५ कित्ता बोनस शेयर सूचीकृत गराएको हो । अव यो शेयर सोमवारबाट लगानीकर्ताले खरीदविक्री गर्न सक्नेछन् ।
कम्पनीले गत चैत १८ गते सम्पन्न वार्षिक साधारण सभाबाट पारित भएको ९ दशमलव १९९८ प्रतिशत बोनस शेयर नेप्सेमा सूचीकृत गराएको हो ।
साताको पहिलो दिन आइतवार कम्पनीको शेयर मूल्य रू.१ हजार ६५३ कायम भएको छ । यो मूल्य अघिल्लो का्रोबार दिनको तुनलामा १३ रुपैयाँले घटेको हो ।
