कीर्तिपुर स्थित कोभिड आइसोलेशन सेन्टरबाट भागेका थुनुवालाई प्रहरीले पक्राउ गरेको छ । सिन्धुली घर भएका राहुल तामाङ आइसोलेशनको शौचालयबाट भागेका थिए । तामाङलाई कालिमाटी स्थित फोहोर संकलन केन्द्र नजिकैबाट पक्राउ गरिएको महानगरीय प्रहरी वृत्त कीर्तिपुरका डिएसपी ठाकुर पोखरेलले रातोपाटीलाई बताए ।महानगरीय प्रहरी वृत थानकोटले उनलाई लागु औषध मुद्दामा पक्राउ गरेको थियो । कोभिड पोजेटिभ रिपोर्ट आएपछि उनलाई आइसोलेशनमा राखिएको थियो । मंगलबार दिउँसो शौचालयबाट प्रहरीको आँखा छलेर उनी भागेका थिए ।
