एजेन्सी। बलिउड अभिनेत्री पायल रोहतगीलाई भारतको अहमदाबद पुलिसले गिरफ्तार गरेको छ। पायलले सोसाइटीको चेयरमेनविरुद्ध सामाजिक सञ्जालमा गाली–गलौच गरेको आरोपमा पुलिसले गिरफ्तार गरेको हो। पायलले सामाजिक सञ्जालमा हालेको उक्त पोस्ट केही समयपछि डिलिट गरेकी थिइन्। यसबाहेक पायलमाथि सोसाइटीको मानिसहरुसँग बारम्बार झगडा गर्ने र चेयरमेनलाई मार्ने धम्की दिएको आरोप पनि रहेको छ। पायल यसअघि पनि एकपटक गिरफ्तार भएकी थिइन्।
