कांग्रेस सभापति शेरबहादुर देउवा र महामन्त्री गगन थापाबीच आगामी दिनमा हुन सक्ने संसदीय दलको प्रतिस्पर्धा गगनका लागि कठिन चुनौती हुने जारी केन्द्रीय समिति बैठकले पनि देखायो । बैठकमा बहुमतमा रहेका देउवा खेमाका अधिकांश सदस्यले पार्टी सुधार गर्ने एजेन्डामा बहस गर्नमा भन्दा गगनप्रति तीतो पोख्नमा ऊर्जा खर्च गरे । उनीहरूका एउटै व्यहोराका समन्वित आक्रोश एवं आलोचना सुनियोजित र रणनीतिक थियो भन्ने सहजै बुझिन्थ्यो ।