गैरआवासीय नेपाली सङ्घ (एनआरएनए)को विवाद समाधान गरी फेब्रुअरी २०२२ भित्र दशौं महाधिवेशन गर्न संरक्षक परिषद्का अध्यक्ष डा.शेष घलेको संयोजकत्वमा उच्चस्तरीय समिति गठन गरिए पनि सङ्घको कामचलाउ समितिका केही पदाधिकारीको असहयोगका कारण विवाद समाधान गर्न समितिलाई थप केही दिन लाग्ने भएको छ । उच्चस्तरीय समितिले मागेका केही सूचना र त्यसको पृष्ठभूमिका बारेमा केही पदाधिकारीले समयमा नै जानकारी नदिएपछि उच्चस्तरीय समितिको म्याद १० दिन थप गरिएको छ ।