चैत १७, काठमाडौं । नेपाली सेनाले सैन्य पदका लागि आवेदन आह्वान गरेको छ । १८ वर्षदेखि २२ वर्ष उमेर समूहका नेपाली नागरिकले आवेदन दिनसक्ने छन् ।
नेपाली सेनाले बिहीवारबाट वैशाख १६ गतेसम्म आवेदन दिन सकिने बताएको छ । खुला तथा समावेशीसहित ४ हजार सैन्य पदका लागि भर्ना खोलिएको हो ।
खुलातर्फ २ हजार ९८, कर्तब्य पालनाका क्रममा ज्यान गुमाएका नेपाली सेनाका सन्ततीका लागि ११०, महिला ३५८, आदीबासी जनजातीतर्फ ५७२, मधेसी ५०५, दलित २७२ र पिछडिएको क्षेत्रबाट ८५ जनासहित जम्मा ४ हजार पदका लागि आवेदन आह्वान गरिएको हो ।
नेपाली सेनाको विभिन्न जिल्लास्थित ब्यारेक तथा गणबाट आवेदन दिन सकिनेछ ।
