चैत १४, काठमाडौँ । नेपाली सेनाले विभिन्न प्रविधिक पदका लागि भर्ना खुला गरेको छ ।
सेनाले लेखा उप - सेनानी, प्राडा उप - सेनानी, पाइलट उप - सेनानी तथा विभिन्न टेडका प्रविधिक अधिकृत पदहरुको लागि सोमवार सूचनामार्फत दरखास्त आव्हान गरेको हो ।
त्यसैगरी, उप- सेनानी एमबीबीएस डाक्टरतर्फ ५० जना, लेखा उपसेनानीतर्फ ४० जाना, सैनिक उपचारिका उप- सेनानीतर्फ १८ जना, कम्प्युटर प्राविधिक उप- सेनानी १६ जना साथै अन्य २५ ओटा पदका लागि १९४ जना प्राविधिक अधिकृत माग गरिएको सूचनामा उल्लेख छ ।
इच्छुक उमेद्वार पुरुषको हकमा १८ वर्ष पूरा भई २९ ननाघेको र महिलाको हकमा १८ वर्ष पूरा भई ३० ननाघेको हुनुपर्नेछ । साथै इच्छुक उमेरद्वारले वैशाख १३ गतेसम्म अनलाईनबाटै आवेदन दिन सक्नेछन् ।
