आँखुखोला जलविद्युत कम्पनीले एक साथ २ वटा आर्थिक वर्षको साधारणसभा आह्वान गरेको छ । कम्पनीले असार १२ गते बानेश्वर स्थित अपर्ण ब्यान्क्वेटमा सभा आह्वान गरेको हो।कम्पनीले साधारणसभा प्रयोजनको लागि जेठ २७ गते बुक क्लोज गर्ने भएको छ । जेठ २६ गतेसम्म कायम शेयरधनीले मात्र सभामा भाग लिन सक्ने छन् । कम्पनीले लाभांश प्रस्ताव गरेको छैन ।यस्ता छन् कम्पनीको सभामा पेश हुने प्रस्ताव (क) सामान्य प्रस्ताव(१) संचालक समितिको तर्फबाट प्रस्तुत हुने आर्थिक वर्ष २०७६/०७७ र २०७७/०७८ को वार्षिक प्रतिवेदन पारित गर्ने । (२) लेखापरीक्षकको प्रतिवेदन सहितको आर्थिक वर्ष २०७६/०७७ र २०७७/०७८ को वासलात, नाफा नोक्सान हिसाब तथा नगद प्रवाह विवरण लगायत सो सँग सम्बन्धित अनुसूचीहरु माथि छलफल गरी पारित गर्ने । (३) कम्पनी ऐन, २०६३ को दफा १११ अनुसार आर्थिक वर्ष २०७४/०७९ को लेखापरीक्षण गर्नका लागि लेखापरीक्षकको नियुक्ति र पारिश्रमिक निर्धारण गर्ने । कम्पनी ऐन, २०६३ को दफा ११२ अनुसार आर्थिक वर्ष २०७७/०७८ को लेखापरीक्षणका लागि नियूक्त लेखापरिक्षक एन.थापा एण्ड एसोसियट्स, चार्टर्ड एकाउन्टटेन्स् को नियूक्ती अनुमोदन गर्ने । (४) विविध। (ख) विशेष प्रस्ताव (१) सर्वसाधारण शेयरधनीहरुको प्रतिनिधित्व गर्ने गरी १ जना महिला र संस्थापक समुह शेयरधनीहरुको प्रतिनिधित्व गर्ने गरि ४ जना संचालकहरुको चयन/निर्वाचन गर्ने । (२) विविध ।
