कात्तिक १ देखि प्रतिफल वितरण गर्दै नबिल ब्यालेन्स्ड फण्ड २

काठमाडौं । नबिल इन्भेष्टमेन्ट बैंकिङ्ग लिमिटेडको व्यवस्थापनमा नबिल म्युचुअल फण्डअन्तर्गत सञ्चालित नबिल ब्यालेन्स्ड फण्ड २ ले कात्तिक १ गतेदेखि प्रतिफल वितरण गर्ने भएको छ । यस वर्ष योजनाले करसमेत ९ दशमलव ६ प्रतिशत नगद लाभांश वितरण गर्न लागेको हो ।  प्रतिफल प्रयोजनका लागि योजनाले असोज २६ गते बुक क्लोज गर्ने भएको छ । बुक क्लोजको आधारमा असोज २५ गतेसम्म कायम इकाईधनीहरूले मात्र योजनाको प्रतिफल प्राप्त गर्न सक्नेछन् । बुक क्लोजपछि कायम इकाईधनीहरूको बैंक खातामै नगद लाभांश वितरण गर्न लागिएको हो । यसर्थ आफ्नो हितग्राही खातामा बैंक खाता नम्बर अद्यावधिक गराउनसमेत योजना व्यवस्थापकले अनुरोध गरेको छ । इकाई धितोमा राखी कर्जा उपयोग गरेका इकाईधनीहरूको हकमा भने सम्बन्धित बैंक तथा वित्तीय संस्थाको स्वीकृतिपत्र पेस गर्नुपर्ने योजना व्यवस्थापकले जनाएको छ ।  सूचना हेर्न यहाँ क्लिक गर्नुहोस्