देशको रक्षार्थ सिपाही भएका उपल्ला घरे ठूले
नयाँ नेपाल बनाउँछु भन्दै
समृद्ध नेपाल बनाउँछु भन्दै
क्रान्तिको झोला बोकेर हिँड्ने
तल्लाघरे साने
हाँडेभिरमा पड्किएको बमको छर्रा लागेर
दुबैजना एकैपटक घाइते हँुदा
उपचारको लागि
एकैपटक अस्पताल पु¥याइएपछि
नर्सका कोमल हातहरूले
सलाइन चढाइएपछि
पट्टी बाँधेर औषधि चलाइएपछि
फरक उद्देस्य बोकेका ठूले र साने
एउटै औषधिले एकैपटक निको भएपछि
उनीहरूलाई लाग्यो
बम र औषधिका न कुनै शत्रु हुँदा रहेछन्
न कुनै मित्रहरु नै ।