नेपालको कम्युनिष्ट आन्दोलनभित्र मूलत पछिल्लो कालखण्डमा दुईवटा धाराहरू क्रियाशील रहे । एउटा, झापा विद्रोहको माध्यमबाट अगाडि बढेको धारा, जो कोअर्डिनेशन केन्द्र हुँदै नेकपा एमालेका रुपमा अघि बढ्यो । जसले पछिल्लो समयमा जननेता मदन भण्डारीको अगुवाइमा शान्तिपूर्ण र वैधानिक बाटोबाट नेपाली क्रान्तिका कार्यभारहरूलाई सम्पादन गर्ने, जनआन्दोलनका माध्यमबाट नेपाली क्रान्तिलाई बामपन्थीका एजेन्डातर्फ अगाडि बढाउने निरन्तर प्रयास गर्यो । यसका बारेमा हामी आज पनि बहसमै छौं र राष्ट्रिय राजनीतिमा यो केन्द्रित छ ।
