नेपाल उद्योग परिसंघ (सीएनआई)ले नेपालका उद्योगहरुको औद्योगिक गतिविधिको अध्ययन गरी औद्योगिक अवस्थिति प्रतिवेदन तेस्रो अङ्क सार्वजनिक गरेको छ । चालु आर्थिक वर्ष २०७८/७९ को दोस्रो त्रैमासिक अवधिमा उत्पादनमुलक उद्योग र सेवा क्षेत्रका उद्योगको अवस्थाबारे विस्तृत तथ्यांक प्रतिवेदनमा समेटिएको छ । सो प्रतिवेदनले अझै पनि ६४.४ प्रतिशत उद्योगले विद्युतका लागि जेनेरेटर प्रयोग गर्ने गरेको जनाएको छ । विद्युतको आपूर्तिमा आउने समस्याका कारण धेरैजसो उद्योगले जेनेरेटर प्रयोग गरिरहेको अध्ययनमा औंल्याइएको छ ।
