जेठ ८, काठमाडौं । शारदा ग्रुपले कोरोना संक्रमण रोकथाम तथा नियन्त्रणका लागि अभियान अन्तर्गत मुलुकका विभिन्न भागमा सहयोग गरेको छ ।
कोरोना रोकथाम र नियन्त्रणका लागि सरकारले चालेका कदमहरुमा सहयोग पुरयाउन आफू र आफ्नो लगानी भएका कम्पनीहरुले व्यवसायिक सामाजिक उत्तरदायित्व अन्तर्गत दुहबी नगरपालिका अन्तर्गत ३०ओटा बेडको आईशोलेसन सेन्टर र १५ ओटा बेडको आईसीयू कोभिड अस्पताल सञ्चालनका लागि सम्पूर्ण बिरामीहरुको लागि नि : शुल्क अक्सिजन र नि : शुल्क औषधी उपलब्ध गराउने बताएको छ ।
साथै उसले बिरामी र बिरामी कुरुवाहरुको लागि निःशुल्क खानाको समेत व्यवस्था गरेको छ । यसैगरी ग्रुपले नेपाल उद्योग परिसंघ मार्फत अक्सिजन प्लान्ट सञ्चालनको लागि सहयोग गर्नुका साथै माडवारी सेवा समिति अन्र्तगत गौशाला रहेको ५१ ओटा बेडको आईशोलेसन सेन्टर सञ्चालनको लागि ४ लाख रुपैयाँ तथा बिरामीहरुलाई निःशुल्क अक्सिजन उपलब्ध गराइरहेको बताएको छ ।
त्यस्तै ग्रुपले नै लहान नगरपालिकामा भर्खरै बनेको २५ ओटा बेडको आईशोलेसन सेन्टरलाई निःशुल्क औषधी र निःशुल्क अक्सिजन उपलब्ध गराउने पूर्ण रुपमा जिम्मेवारी लिएको बताएको छ ।
त्यस्तै आफ्नो लगानी रहेको शिवम् सिमेन्ट र होङ्सी शिवम् सिमेन्ट कम्पनीहरु मार्फत व्यवसायिक सामाजिक उत्तरदायित्व अन्र्तगत विभिन्न कामहरु गरिएको ग्रुपले बताएको छ ।
जसअन्तर्गत होङ्सी शिवम् सिमेन्टले स्वास्थ्य तथा जनसंख्या मन्त्रालयलाई २०० थान अक्सिजन कन्सन्टेटर र शिवम् सिमेन्टले मकवानपुरमा रहेको अस्पतालमा आईसीयू र आईशोलेनसहितको कोभिड सेन्टरका लागि २५ थान बेड उपलब्ध गराएको ग्रुपले जारी गरेको प्रेस विज्ञप्तिमा उल्लेख छ ।
