वैशाख १४, काठमाडौं । नबिल म्युचुअल फण्ड अन्तर्गत सञ्चालित नबिल ब्यालेन्स फण्ड ३ ले चैत मसान्त सम्मको खुद सम्पत्ति मूल्य विवरण सार्वजनिक गरेको छ ।
उक्त वित्तीय विवरण अनुसार फण्डले चैत मसान्तसम्ममा सूचीकृत शेयरमा रू. ६६ करोड २१ लाख लगानी गरेको छ । यो लगानी फागुन महीनाको तुलनामा भने ५ दशमलव ४४ प्रतिशत घटेको हो ।
फागुन मसान्तसम्ममा फण्डले सूचीकृत शेयरमा रू. ७० करोड २ लाख लगानी गरेको थियो । चैत महीनामा फण्डले लगानी गरेका कम्पनीहरुको शेयरमूल्य घटेसँगै सूचीकृत शेयरमा लगानी घटेको हो ।
यस फण्डको एनएभी पनि फागुनको तुलनामा चैत महीनामा घटेको छ । फागुन मसान्तसम्ममा फण्डको एनएभी रू. ९ दशमलव ९० रहेकोमा चैतमसान्तसम्ममा घटेर रू. ९ दशलमव ३८ कायम भएको हो । त्यसैगरी चैत मसान्तसम्ममा फण्डले रू. ७ करोड ७९ लाख नोक्सानी ब्यहोरेको छ । फागुन मसान्तसम्ममा पनि फण्डले रू. १ करोड २६ लाख नोक्सानीमा थियो ।
यसरी हेर्दा फण्डको नोक्सानी बढेको छ । चैत मसान्तसम्ममा फण्डको जम्मा आम्दानी रू. ५ करोड ५ लाख ऋणात्मक रहकाले नोक्सानीमा रहेको हो । फागुन मसान्तसम्ममा भने फण्डले रू. ४८ लाख ९७ हजार आम्दानी गरेको थियो ।
.jpg)
