कोरोना भाइरसको बढ्दो संक्रमणका कारण बालबालिकामा पर्नसक्ने नकारात्मक असर न्युनिकरण गर्नुपर्ने आवश्यकता औंल्याइएको छ ।
हालै युनिसेफ, विश्व श्रम संगठन तथा युएन वुमनद्वारा जारी सुझाव पत्रमा कोरोनाको प्रकोप फैलिइरहेकाले बालबालिकामा पर्न सक्ने नकारात्मक असर न्युनीकरण गर्नका लागि कामकाजी परिवारलाई सघाउनुपर्ने आवश्यकता औंल्याइएको छ । रोजगार गुम्नु, विद्यालय बन्द हुनु तथा बालबालिकाको हेरचाह गर्ने सुविधा उपलब्ध नहुनुका कारण विशेषगरी न्युन आय भएका परिवारलाई सहयोगको खाँचो रहेको सुझावपत्रमा उल्लेख छ ।
