वैशाख २२, काठमाडौं । समृद्धि फाइनान्स लिमिटेडको १५ हजार कित्ता संस्थापक शेयर लिलामीमा आएको छ ।
कम्पनीले विद्यमान संस्थापकहरुले मात्र खरीद गर्न सक्नेगरी उक्त शेयर विक्रीका लागि बिहीवार ३५ दिने सूचना जारी गरेको हो ।
यो शेयरको मूल्य प्रतिकित्ता रू. १०० तोकिएको छ । विद्यमान संस्थापक शेयरधनीहरुले तोकिएको मिति भित्र तोकिएको मूल्य वा सोभन्दा बढी मूल्य अंकित गरी बोलकबोल गर्नु पर्नेछ ।
तोकिएको अवधिभित्र विद्यमान संस्थापक शेयरधनीहरुबाट आवेदन पर्न नआएमा नेपाल राष्ट्र बैंकबाट जारी एकीकृत निर्देशनको अधिनमा रही प्रचलित कानून बमोजिम बाह्य खरीदकर्तालाई उक्त शेयर विक्री गरिने जानकारी कम्पनीले दिएको छ ।
