हरिप्रसाद सापकोटा, बारा ।
सिमरा साहित्य समाजको आयोजनामा होलि मिलन तथा रचना वाचन कार्यक्रम सम्पन्न भएको छ । बारा जितपुर सिमरा उपमाहानगर–२ मा रहेको साहित्य समाजले होलिको अवसर पारेर रचना वाचन कार्यक्रम गरेको हो ।
समाजका कार्यबाहक अध्यक्ष सालिकराम अधिकारीको अध्यक्षता तथा वडा नम्बर ३ का अध्यक्ष जगन्नाथ घिमिरेको प्रमुख आतिथ्यमा सम्पन्न कार्यक्रममा सिमरा क्षेत्रका अग्रज व्यक्तित्व तथा नव प्रतिभा गरि झण्डै ३० जना बढीले समसामयिक विषयमा रचना वाचन गरेका थिए ।
सिमरा माविको सभाहलमा सम्पन्न कार्यक्रमको सञ्चालन समाजकी कोषाध्यक्ष सिता बरालले गर्नु भएको थियो ।
