वैशाख १३, काठमाडौं । शेयर बजारमा सोमवार भारी गिरावट आएको छ ।
योदिन घटेको बजारमा सात ओटा कम्पनीको शेयर मूल्यमा उच्च गिरावट आएको हो । कारोबारमा आएका २२० ओटा कम्पनीमध्ये सबैभन्दा बढी रिलायन्स फाइनान्स कम्पनीको शेयर मूल्य अघिल्लो कारोबार दिनको तुलनामा ८ दशमलव शून्य ६ प्रतिशतले कमि आएको छ ।
कम्पनीको शेयर मूल्य प्रतिकित्ता रू. २२८ मा झरेको हो । त्यसैगरी दोस्रोमा छ्याङदी हाइड्रोपावरको शेयर मूल्य ७ दशमलव ५६ प्रतिशत,सिन्धु विकास बैंकको ७ दशमलव २७ प्रतिशत, युनाइटेड इदि मर्दी हाइड्रोपावरको ६ दशमलव ६७ प्रतिशत,नेशनल हाइड्रोपावरको ६ दशमलव ४१ प्रतिशत,श्री इन्भेष्टमेण्ट एण्ड फाइनान्सको ६ दशमलव ४० प्रतिशत र नेपाल हाइड्रोडेभलोपरको शेयर मूल्य ६ दशमलव २७ प्रतिशतले कमि आएको हो ।
बजार घटेसँगै ती कम्पनीको शेयरमा क्रेताभन्दा विक्रेता धेरै भएकाले शेयर मूल्यमा उच्च गिरावट आएको हो । बजार बढ्दा ती कम्पनीको शेयर मूल्य सर्किट लेबलमा वृद्धि हुँदै आएको थियो ।
पुन : बजार घट्न थालेसँगै विक्री चाप बढ्दा शेयर मूल्य घट्न पुगेको हो । रिलायन्स फाइनान्सको शेयर मूल्य प्रतिकित्ता रू. २२८, छ्याङदी हाइड्रोपावरको रू. २६९,सिन्धु विकास बैंकको रू. २६९,युनाइटेड इदी मर्दीको रू.२६६,नेशनल हाइड्रोपावरको रू. १४६, श्री इन्भेष्टमेण्ट एण्ड फाइनान्सको रू. २३४ र नेपाल हाइड्रो डेभलोपरको शेयर मूल्य प्रतिकित्ता रू. ३१४ मा झरेको हो ।
