नारायणी डेभलपमेण्ट बैंकसहित ७ ओटा कम्पनीको शेयर मूल्यमा उच्च गिरावट

वैशाख १२, काठमाडौं । हप्ताका पहिलो कारोबार दिन आइतवार नेप्से परिसूचकमा भारी गिरावट आएको छ । सोही कारण धेरै कम्पनीको शेयर मूल्य गिरावट आएको हो । कारोबारमा आएका २१५ ओटा कम्पनीमध्ये सबैभन्दा बढी नारायण डेभलपमेण्ट बैंकको शेयर मूल्यमा उच्च गिरावट आएको छ । कम्पनीको शेयर मूल्य अघिल्लो कारोबार दिनको तुलनामा ९ दशमलव ०६ प्रतिशतले कमि आएको हो । उक्त कम्पनीको शेयर मूल्य प्रतिकित्ता रू. ५२२ मा झरेको हो । उक्त कम्पनीको शेयर मूल्य बजार बढ्दा सर्किट लेबलमा बढ्दै आएको थियो । पुन : बजार घट्न थालेसँगै किन्नेभन्दा बेच्ने बढी भएकाले शेयर मूल्य घटेको हो । दोस्रोमा पोखरा फाइनान्सको शेयर मूल्य अघिल्लो कारोबार दिनको तुलनामा ७ दशमलव ८४ प्रतिशत,चन्द्रागिरी हिल्सको शेयर मूल्य ७ दशमलव ६३ प्रतिशत,रिडी हाइड्रोपावरको ७ दशमलव २१ प्रतिशत, युनियन हाइड्रोपावर कम्पनीको ७ दशमलव ४३ प्रतिशत, जोशी हाइड्रोपावरको ७ दशमलव शून्य ९ प्रतिशत, युनाइटेड मोदी हाइड्रोपावरको ६ शदमलव ४५ प्रतिशत र युनाइटेड इन्स्योरेन्सको शेयर मूल्य ६ दशमलव ४२ प्रतिशतले कमि आएको हो । बजार घटेसँगै लगानीकर्ताले शेयर विक्री गर्न थालेकाले उच्च गिरावट आएको हो ।

पूर्ण विवरण

सम्बन्धित सामग्री

१००.६७ अंकले घटेको बजारमा यी पाँच ओटा कम्पनीका शेयरधनीले सर्वाधिक गुमाए !

फागुन १, काठमाडौं । आइतवार शेयर बजार १०० दशमलव ६७ अंकले घटेको छ । नेप्से परिसूचक २ हजार ७०० दशमलव ८९ विन्दुमा झरेको हो । यस अवधिमा कारोबारमा आएका २२७ ओटा धितोपत्रमध्ये पाँच धितोपत्रको मूल्यमा उच्च गिरावट आएको छ । अपर तामाकोशी हाइड्रोपावर, नारायणी डेभलपमेण्ट बैंक, शिवश्री हाइड्रोपावर, विन नेपाल लघुवित्त वित्तीय संस्था र बुद्धभूमि नेपाल हाइड्रोपावर कम्पनीका शेयरधनीले सर्वाधिक गुमाएका हुन् । यी पाँच ओटा कम्पनीमध्ये सबैभन्दा बढी अपर तामाकोशी हाइड्रोपावरको शेयरमूल्य ८ दशमलव ३७ प्रतिशत घटेको छ । कम्पनीको शेयरमूल्य प्रतिकित्ता रू. ६४६ कायम भएको छ । त्यसैगरी दोस्रोमा नारायणी डेभलपमेण्ट बैंकको शेयरमूल्य ८ दशमलव २६ प्रतिशत, शिवश्री हाइड्रोपावरको ७ दशमलव ७५ प्रतिशत, विन नेपाल लघुवित्त वित्तीय संस्थाको ७ दशमलव ५९ प्रतिशत र बुद्धभूमि नेपाल हाइड्रोपावरको ७ दशमलव ५२ पतिशत घटेको छ । बैंक तथा वित्तीय संस्थाले फागुन महीनाका लागि ब्याजदर बढाएसँगै यसको नकारात्मक प्रभाव शेयर बजारमा बढेको हो । सोही कारण यी कम्पनीका शेयरका क्रेताभन्दा विक्रेता हावी भएकाले शेयरमूल्य घटेको हो । नारायणी डेभलपमेण्ट बैंकको शेयरमूल्य रू. ५००, शिवश्री हाइड्रोपावरको शेयरमूल्य रू. ३४५, विन नेपाल लघुवित्तको रू. १ हजार ५७० र बुद्धभूमि नेपाल हाइड्रोपावरको शेयरमूल्य रू. ६१५ कायम भएको छ ।

Aarthik Abhiyan पौष २०७८

दोहोरो अंकले बढेको बजारमा १४ ओटा कम्पनीको शेयरमूल्य उच्च दरमा वृद्धि

भदौ १०, काठमाडौं । साताको अन्तिम कारोबार दिन बिहीवार बजार १७ दशमलव ६० अंकले वृद्धि भएको छ । बजार बढेसँगै कारोबारमा आएका २३२ ओटा कम्पनीमध्ये १४ ओटा कम्पनीको शेयरमूल्य उच्च दरमा वृद्धि भएको छ । नारायणी डेभलपमेण्ट बैंक, श्री इन्भेष्टमेण्ट एण्ड फाइनान्स, गुहेश्वरी मर्चेण्ट एण्ड फाइनान्स, अरुण भ्याली हाइड्रोपावर, कर्पोरेट डेभलपमेण्ट बैंक, आँखुखोला जलविद्युत् कम्पनी, घलेम्दी हाइड्रो लिमिटेड, जीवन विकास लघुवित्त वित्तीय संस्थाको शेयरमूल्य अघिल्लो कारोबार दिनको तुलनामा १० प्रतिशतले वृद्धि भएको हो । त्यसैगरी, खानीखोला हाइड्रोपावरको शेयरमूल्य ९ दशमलव ९९ प्रतिशत, सिनर्जी पावर डेभलपमेण्टको ९ दशमलव ८४ प्रतिशत, दिव्यश्वरी हाइड्रोपावरको ९ दशमलव ७१ प्रतिशत, माउण्टेन इनर्जी नेपालको ९ दशमलव २९ प्रतिशत, मल्टीपर्पस फाइनान्सको ९ दशमलव १३ प्रतिशत र रिलायन्स फाइनान्सको शेयरमूल्य ९ दशमलव १३ प्रतिशतको दरले वृद्धि भएको हो । रिलायन्स फाइनान्सको शेयरमूल्य प्रतिकित्ता रू. ७५३, मल्टीपर्पस फाइनान्सको रू. ६४४, माउण्टेन इनर्जी नेपालको रू. १ हजार ५३०, दिव्यश्वरी हाइड्रोपावरको रू. ४१७ पुगेको छ । त्यसैगरी नारायणी डेभलपमेण्ट बैंकको शेयरमूल्य रू. १ हजार ३४, श्री इन्भेष्टमेण्ट एण्ड फाइनान्सको रू. ६८२, गुहेश्वरी मर्चेण्ट एण्ड फाइनान्सको रू. ७०२ दशमलव ९०, अरुण भ्याली हाइड्रोपावरको रू. ७२० दशमलव ५०, कर्पोरेट डेभलपमेण्ट बैंकको रू. १ हजार ८२ दशमलव ४०, आँखुखोला हाइड्रोपावरको रू. ४३१ दशमलव २०, घलेम्दी हाइड्रोपावरको रू. ४५५ दशमलव ४०, जीवन विकास लघुवित्तको रू. ५ हजार १९८ दशमलव ९०, खानीखोला हाइड्रोपावरको रू. ३९३ र सिनर्जी पावरको शेयरमूल्य प्रतिकित्ता रू. ६१४ पुगेको हो । लगातार तीन दिन घटेको बजारमा बिहीवार पुनः खरीदकर्ताहरु आकर्षित भएसँगै समग्र बजार बढेको हो । आज अधिकांश हाइड्रोपावर कम्पनीको शेयरमूल्य उच्च दरले वृद्धि भएको छ । केही दिन अगाडि विद्युत् नियमन आयोगले विभिन्न सूचकहरु अध्ययन गरेर मात्रै लगानी गर्न आग्रह गरेसँगै हाइड्रोपावर कम्पनीको शेयर मूल्यमा उच्च गिरावट आएको थियो । पछिल्लो समय हाइड्रोपावर कम्पनीहरुले साधारण सभा हकप्रद शेयर निष्कासन गर्ने प्रस्ताव राखेर साधारण सभा बोलाएको लगानीकर्ताका आकर्षण हाइड्रोपावर कम्पनीको शेयरमा परेको देखिन्छ । सोही कारण आज हाइड्रोपावर समूहको परिसूचक ४ दशमलव ८३ प्रतिशत वृद्धि भएको छ ।

Aarthik Abhiyan श्रावण २०७८

४ ओटा कम्पनीको शेयरमूल्यमा उच्च गिरावट, क- कसको शेयरमूल्य घट्यो ?

जेठ २३, काठमाडौं । साताको पहिलो कारोबार दिन आइतवार नेप्सेमा कारोबारमा आएका २१८ ओटा कम्पनीमध्ये सबैभन्दा बढी चार ओटा कम्पनीको शेयरमूल्यमा उच्च गिरावट आएको छ । ती कम्पनीमध्ये सबैभन्दा बढी राधी विद्युत् कम्पनीको शेयरमूल्यमा उच्च गिरावट आएको हो । योदिन कम्पनीको शेयरमूल्य अघिल्लो कारोबार दिनको तुलनामा ८ दशमलव ५६ प्रतिशतले कमि आएको छ । योदिन कम्पनीको शेयरमूल्य प्रतिकित्ता रू. १ हजार ४७ मा झरेको हो । कम्पनीले बोनस शेयर वितरणपछि कायम चुक्तापूँजीको १४७ प्रतिशत हकप्रद शेयर निष्कासन गर्ने भएसँगै शेयरमूल्य प्रतिकित्ता रू. १ हजार ३०० भन्दा माथि पुगेको थियो । त्यसैगरी दोस्रोमा दिब्यशवरी हाइड्रोपावर कम्पनीको शेयर मूल्य अघिल्लो कारोबार दिनको तुलनामा ६ दशमलव ९१ प्रतिशत,नारायणी डेभलपमेण्ट बैंकको ५ दशमलव ९७ प्रतिशत र आँखुखोला जलविद्युत् कम्पनीको शेयरमूल्य ५ दशमलव ४९ प्रतिशतले कमि आएको छ । दिब्यश्वरी हाइड्रोपावर कम्पनीको शेयरमूल्य प्रतिकित्ता रू.२२९,नारायणी डेभलपमेण्ट बैंकको रू.७२४ र आँखुखोला जलविद्युत् कम्पनीको रू. २४१ पुगेको छ । केहि दिनदेखि हाइड्रोपावर समूह र बैंक समुहको शेयर मूल्यमा सर्किट लेबलमा वृद्धि हुँदै आएको थियो । बढेको बजारमा लगानीकर्ताले नाफा बुक गर्न लागेसँगै हाइड्रोपावर समूहका कम्पनीहरुमा गिरावट आएको हो । आइतवार केहि विकास बैंकहरुको शेयरमूल्यमा पनि गिरावट आएको छ । नारायणी विकास बैंकको शेयरमूल्य पनि विगत लामो समयदेखि वृद्धि हुँदै आएको छ । उक्त कम्पनीको शेयरमा लगानीकर्ताहरुले योदिन नाफा बुक गरेको देखिएको छ । पछिल्लो समयदेखि लगानीकर्ताहरुले समूहगत लगानी गर्न थालेका छन् । योदिन हाइड्रोपावर समूह,विकास बैंक समूह र वित्त समूहका कम्पनीहरुको शेयर मूल्यमा उच्च दरमा वृद्धि भएसँगै आइतवारदेखि लगानीकर्ताहरु फेरि बैंकिङ समूहमा लागेका छन् । सोही कारण अधिकांश वाणिज्य बैंकहरुको शेयरमूल्यमा वृद्धि भएको छ । आइतवार बजार बढेसँगै नेप्सेले नयाँ रेकर्ड बे्रक गरेको छ ।

Aarthik Abhiyan बैशाख २०७८

बजार घटेसँगै ५ ओटा कम्पनीको शेयर मूल्यमा गिरावट, क - कसको घट्यो ?

वैशाख ८, काठमाडौं । नेप्से परिसूचक अघिल्लो कारोबार दिनको तुलनामा बुधवार ३२ दशमलव ४१ अंक घटेको छ । सोही कारण पाँच ओटा कम्पनीको शेयर मूल्यमा उच्च गिरावट आएको छ । सबैभन्दा बढी लिवर्टी इनर्जी कम्पनी लिमिटेडको शेयर मूल्य अघिल्लो कारोबार दिनको तुलनामा ५ दशमलव १७ प्रतिशत घटेको छ । उक्त कम्पनीको शेयर मूल्य प्रतिकित्ता रू. ३३० मा झरेको छ । त्यसैगरी दोस्रोमा हिमालयन पावर पार्टनरको शेयर मूल्य ४ दशमलव १९ प्रतिशत, नारायणी डेभलपमेण्ट बैंकको ३ दशमलव ७२ प्रतिशत,आइसीएफसी फाइनान्सको ३ दशमलव ६१ प्रतिशत र पाँचथर पावर कम्पनीको शेयर मूल्य ३ दशमलव ५५ प्रतिशतले घटेको हो । ती पाँच ओटै कम्पनीको शेयर मूल्य बजार बढ्दा सर्किट लेबलमा वृद्धि भएको थियो । बजार घट्न लागेसँगै लगानीकर्ताले नाफा बुक गरेकाले शेयर मूल्यमा गिरावट आएको हो । स्रोत : नेपाल स्टक एक्सेचञ्ज (नेप्से)

Aarthik Abhiyan चैत्र २०७७