जेठ २, काठमाडौं । मर्चेण्ट बैंकर्स एशोसिएसन नेपालले न्युनतम कर्मचारी राखेर सेवा प्रदान गर्न मर्चेण्ट बैंकहरुलाई निर्देशन दिएको छ ।
बैंकर्स एशोसिएसनले सूचना जारी गर्दै अत्यावश्यक सेवा मात्र कार्यलयहरुबाट गर्न र ग्राहकहरुलाई अनलाइन मार्फत धितोपत्र कारोबार गर्न भनेको हो । सूचनामा बढीमा तीन जना कर्मचारीलाई मात्र कार्यालयमा बोलाएर सेवा दिन भनिएको छ ।
कोरोना महामारीको संकट बढिरहेको भन्दै अनलाइनमार्फत धितोपत्र कारोबार गर्न तथा अत्यावश्यक सेवा मात्र प्रदान गर्न र कार्यालयबाट जनसम्पर्क हुने बाँकी सम्पूर्ण सेवाहरु हाललाई स्थगित गर्न पनि सूचनामा भनिएको छ ।
नेपाल धितोपत्र बोर्डले सेवा प्रवाह अनलाइनमुखी बनाउन गरेको आग्रहपछि मर्चेण्ट एशोसिएसनले यस्तो निर्देशन जारी गरेको हो । ग्राहक तथा कर्माचारीको स्वास्थ्यलाई ध्यानमा राखी संक्रमणको जोखिम कमगर्न निषेधाज्ञा अवधिभर अनलाइन सेवालाई प्रथामिकता राख्न पनि एशोसिएसनले भनेको छ ।
अनलाइन कारोबारका क्रममा मेरो शेयर वा ईडीआईएस सम्बन्धि समस्या आइपरेमा कम्पनीको फोन नम्बर तथा वेबसाइटमा उल्लेख गरिएको इमेल र मोबाइल नम्बरमा सम्पर्क गरी समस्या समाधन गर्न पनि भनिएको छ ।