‘नेपाल अफ्रिका फिल्म फेस्टिभल’ को १० औं संस्करण आगामी फागुनमा आयोजना हुने भएको छ । नेपाल र अफ्रिकाको सांस्कृतिक सम्बन्ध बलियो बनाउने उदेश्यले फेस्टिभल आयोजना हुँदै आएको हो ।फागुन पहिलो साताबाट राजधानीमा आयोजना हुने महोत्सवमा अफ्रिकी मुलुकबाट फिल्म आउने क्रम जारी छ । हालसम्म अफ्रिकाबाट तीन दर्जनभन्दा बढी फिल्म महोत्सवका लागि प्राप्त भइसकेको महोत्सवकी अध्यक्ष डा. मञ्जु मिश्रले जानकारी दिइन् । यसपटक कलेज अफ जर्नालिज्मले महोत्सव विलक्षण क्रिएसनसँगको सहकार्यमा आयोजना गर्न लागेको हो ।
