काठमाडौं (अस) । नेपालका लागि सुजुकी चारपांग्रे सवारी साधनको आधिकारिक वितरक तथा सीजी होल्डिङ्सको अटोमोटिभ डिभिजन सीटी मोटोकर्पले इन्धन प्रभावकारी पारिवारिक कार सुजुकी सेलिरियो सार्वजनिक गरेको छ ।
सर्वाधिक माइलेज दिने गाडीको कम मूल्य हुँदा पेट्रोलियम पदार्थको मूल्यवृद्धिबाट राहत मिल्ने कम्पनीको विश्वास छ । नयाँ सेलेरियोमा ड्राइभिङ अनुभव, नयाँ थ्रीडी अर्गानिक स्कल्प्टेड डिजाइन, फस्र्ट–इन–सेगमेन्ट सुरक्षालगायत सुविधा छन् ।
कम्पनीका सेल्स एन्ड मार्केटिङ महाप्रबन्धक सिराज पन्तका अनुसार सेलेरियो नेपाली बजारमा निकै रुचाइएको पारिवारिक सवारी हो । न्यू जेनेरेसन सेलेरियोमा बढी माइलेज, बिनासम्झौताको सुरक्षा र सुविधाजनक फिचर रहेका छन् ।
कारमा राखिएको नयाँ डिजाइनले ग्राहकलाई आकर्षित गर्ने दाबी कम्पनीको छ । स्टाइलिस, एक्टिभ एन्ड उर्बान एक्सटेरियर डिजाइनले थ्रीडी अर्गानिक स्कल्प्डका साथ गतिशील स्ट्यान्स दिन्छ ।
एनिमेटेड स्वीपिङ फ्रन्ट हेडल्याम्प, ड्रपलेट स्टाइल टेल ल्याम्प र क्रोमसहितको नयाँ रेडियन्ट सिग्नेचर फ्रन्ट ग्रिलले कारको डिजाइन सिग्नेचरलाई जोड दिने कम्पनीको भनाइ छ ।
१५ इन्च र ३८.०२ सेन्टिमिटर अर्बन कालो अल्लो पांग्र्रा र अगाडिको फगल्याम्पले कारमा जीवन्त शैलीको आकर्षण थपिएको कम्पनीले बताएको छ ।
नयाँ सेलेरियोलाई थप आरामका लागि फराकिलो क्याबिन, स्वीपिङ क्यारेक्टर लाइन, उज्यालो क्रोम एक्सेन्टसहितको ट्वीन स्लट सेन्टर, एसी भेन्टिलेसन, बोल्ड ब्यारेल–थीम साइड एयर भेन्ट्सले भित्री डिजाइनलाई थप आकर्षक बनाएको छ ।
पावर र माइलेजको उत्तम समिश्रण भएको नयाँ जेनेरेसनको ड्युल जेट, ड्युल भीभीटीयुक्त के– सिरिज इन्जिन प्रयोग गरेकाले नेपालमै सर्वाधिक २६.६८ किमि माइलेज दिने कम्पनीले जनाएको छ ।
कारमा नेक्स्ट–जेन के–सिरिज इन्जिनको विकास अत्याधुनिक प्रविधि कुल्ड इजीआर, अटो टेन्सनर र एकीकृत निकास मेनिफोल्डको प्रयोगबाट गरिएको छ ।
कारमा आरामदायी ड्राइभिङ अनुभवका लागि १७.७८ सेमि स्मार्टप्ले इन्फरटेन्मेन्ट सिस्टम उपलब्ध छ ।
कम्पनीले नेपाली बजारमा सेलिरियो भीएक्सआई २७,९९०००, सेलिरियो जेडएक्सआई २९,९९०००, सेलिरियो जेडएक्सआई प्लस ३१,९९००० रुपैयाँ मूल्य पर्ने जनाएको छ ।
