काठामाडौं। चाडपर्वको अवसरमा नेपाल एसबिआई मर्चेन्ट बैंकिङ लिमिटेडले ‘डिम्याट तथा मेरो शेयर खाता’ खोल्न निश्चित अवधिका लागि बम्पर छूट सहितका योजना सार्वजनिक गरेको छ, जसअनुसार डिम्याट खाता नि:शुल्क खोलिने र एक वर्षसम्मको डिम्याट तथा मेरो शेयरको नवीकरण गर्दा ५० प्रतिशत छूट पाइने छ । साथै ५ वर्षसम्म डिम्याट तथा मेरो शेयरको नवीकरणमा ३७ दशमलव ६३ प्रतिशत छूट दिने बताइएको छ । परिवार योजनाअन्तर्गत ३ जनाको डिम्याट तथा मेरो शेयर खोल्दा र नवीकरणमा १ जनाको नि:शुल्क र अन्यको ३३ दशमलव ३३ प्रतिशत छूट दिइने कम्पनीले जानकारी दिएको छ । यस्तै, नि:शुल्क डिम्याट खाता र १० वर्ष डिम्याट तथा मेरो शेयरको नवीकरणमा ३५ दशमलव ५५ प्रतिशत छूट र आजीवन नवीकरण गरेमा ८० दशमलव १४ प्रतिशत छूट दिइने कम्पनीको भनाइ छ ।
