काठमाडौं। प्रधानमन्त्री तथा मन्त्रिपरिषद् कार्यालयले अस्पतालहरूमा आवश्यकताअनुसार अक्सिजनको व्यवस्थापन भइरहेको जनाएको छ। देशभरका अस्पतालमा आवश्यकताअनुसार अक्सिजनको व्यवस्थापन भइरहेको सरकारको दाबी छ। तर विभिन्न अस्पतालले अक्सिजनको अभाव भएको भन्दै थप उपचार गर्न नसकिने जनाएका छन्। अल्का अस्पतालले एक सूचना नै जारी गरेर अक्सिजनको अभावमा थप बिरामीको उपचार गर्न नसकिने जनाएको हो।
