रूपन्देहीको तिलोत्तमा–६ की राधिका पाण्डे परिवारसहित नयाँ वर्ष मनाउन बुटवलको कमलपोखरी पुगिन् । छोराछोरीसहित मजाले फोटो खिचेर फेसबुकमा पोस्ट्याइन् । धेरैपछि यसरी रमाइलो गर्न पाउँदा साह्रै खुसी लागेको उनले बताइन् । ‘दुई वर्ष भाइरसले डराउन दियो,’ उनले भनिन्, ‘यसपटक बाहिरी रमझम र मानिसको भीडभाड देख्दा रमाइलो लाग्यो ।’ बेलामौका र बिदामा मात्र घुम्न पाउने उनले छोराछोरीलाई समय दिन पाएकामा समेत खुसी लागेको बताइन् ।
