भदौ २०, पेचिङ (चीन) । चिनियाँ अनलाइन कम्पनी अलिबाबाले चिनियाँ राष्ट्रपति सि चिनफिङको ‘साझा समृद्धि’ अभियानलाई टेवा दिन १५ अर्ब ५० करोड डलर खर्च गर्ने भएको छ ।
कम्पनीले शुक्रवार यस्तो घोषणा गरेको हो । रोजगारी सृजनाका १० ओटा परियोजनाहरु लगानी गर्न, संकटापन्न समूहको हेरचाह गर्न र प्रविधिको नवप्रवर्तनमा १ खर्ब युआन (१५ अर्ब ५० करोड डलर) खर्च गर्ने भएको छ । यसमध्ये १२ अर्ब ५० करोड डलर भने कम्पनीको गृह प्रान्त चचियाङमा आयअसमानता कटौती गर्न खर्च गरिने बताइएको छ ।
हालैका दिनमा अलिबाबा, टेन्सेन्टलगायत ठूला चिनियाँ कम्पनीहरुले सामाजिक कल्याण, प्रविधिविकास र सत्तारुढ दलले प्राथमिकतामा राखेका अन्यपक्षमा लगानी गर्ने घोषणा गरेका छन् । ‘
पछिल्लो समय चीनले बजारमा मनपरीविरोधी, डेटा सुरक्षालगायतका विषयमा इन्टरनेट कम्पनीहरुमाथि सन् २०२० को अन्त्ययता कडाइ गरिरहेको छ । एजेन्सी
