विद्यालयमा महिला शौचालय हुनु–नहुनु र छात्राहरूले महिनावारीका बेला सेनिटरी प्याड प्रयोग गर्न पाउनु–नपाउनुबीचको फरक ठूलो छ । यो छात्राहरूको सुविधाको विषय मात्र होइन, विद्यालयमा उनीहरूको नियमित उपस्थिति र कक्षा छाड्ने दरसित पनि यसको अन्तरसम्बन्ध गहिरो छ । यसको मतलब, विद्यालयमा छुट्टै महिला शौचालय नहुँदा र सेनिटरी प्याड प्रयोग गर्न नपाउँदा कति छात्राहरूको शैक्षिक भविष्य अनिश्चित मात्र बनेको हुँदैन, राज्यले शिक्षामा गरेको लगानी पनि खेर गैरहेको हुन्छ ।
