माघ ९, काठमाडौं । साताको पहिलो कारोबार दिन आइतवार विन नेपाल लघुवित्त वित्तीय संस्थाको शेयरमूल्यमा सकारात्मक सर्किट लागेको छ ।
कम्पनीको शेयरमूल्य १० प्रतिशत वृद्धि भएसँगै सकारात्मक सर्किट लागेको हो । शेयरमूल्य प्रतिकित्ता रू. ९१४ दशमलव १० पुगेको छ । कम्पनीको शेयरमा विक्रेताभन्दा क्रेता धेरै भएकाले शेयर मूल्य बढेको हो ।
साविकको नेपाल सेवा लघुवित्त वित्तीय संस्था र विन लघुवित्त वित्तीय संस्था एक आपसमा गाभिएपछि थप हुन आएको शेयर माघ ४ गते नेप्सेमा ७ लाख २४ हजार ४६३ कित्ता साधारण शेयर सूचीकृत भएको थियो ।
नेपाल सेवा लघुवित्त वित्तीय संस्था र विन लघुवित्त वित्तीय संस्था एक आपसमा गाभिएपछि विन नेपाल लघुवित्तको नामबाट एकीकृत कारोबार कात्तिक १५ गतेदेखि शुरु भएको हो ।