तमोर कोरिडोरका पुल निर्माणको काममा ढिलाइ

तमोर कोरिडोर सडक सञ्चालनमा

निरन्तर वर्षाका कारण नावा खोला र छरुवा खोलामा बाढी आएसँगै बिहीबार बिहानैदेखि अवरुद्ध बनेको तमोर कोरिडोर सडकको धनकुटा–पाँचथर भने सञ्चालनमा आएको छ ।

गोरखापत्र भाद्र २०८१

तमोर कोरिडोर सडक

सुनसरीको चतरादेखि ताप्लेजुङको ओलाङ्चुङगोलासम्म जोड्ने तमोर कोरिडोर सडक । यो सडक बनेपछि ताप्लेजुङदेखि तराई झर्ने दूरी र समय सात घण्टा छोटिएको छ ।

गोरखापत्र बैशाख २०८१

चीनसँग जोडियो तमोर कोरिडोर

निर्माणाधीन तमोर कोरिडोर सडकले छिमेकी देश चीनलाई जोडेको छ । ताप्लेजुङको फक्ताङ्लुङ गाउँपालिकास्थित लेलेप–ओलाङ्चुङगोला खण्डमा बाँकी रहेको ट्र्याक निर्माणको काम मङ्गलबार सम्पन्न भएसँगै तमोर कोरिडोरले चीनलाई जोडेको हो । तमोर कोरिडोर नेपालसँग छिमेकी देश चीन र भारतलाई जोड्ने सबैभन्दा छोटो दुरी भएको सडकका रूपमा लिने गरिएको छ ।

गोरखापत्र माघ २०८०

तमोर कोरिडोर निर्माणमा बजेट अभाव

राष्ट्रिय गौरवको आयोजनाको रुपमा रहेको चतारा–मुलघाट–गणेशचोक सडक (तमोर कोरिडोर)को कालोपत्रे बजेट अभावका कारण प्रभावित भएको छ । पूर्वी पहाडी जिल्लालाई तराईसँग जोड्ने सबैभन्दा छोटो यो सडक १ सय ५५ किलोमिटर मात्रै छ ।

कान्तिपुर पौष २०८०

तमोर कोरिडोर कालोपत्रेको काम अघि बढ्यो

पूर्वी पहाडी जिल्लालाई तराईसँग जोड्ने छोटो सडकको रुपमा लिइएको चतरा–मुलघाट–गणेशचोक सडक (तमोर कोरिडोर) कालोपत्रे गर्ने काम अघि बढेको छ ।

Shilapatra मंसिर २०७९

तमोर नदीर र तमोर कोरिडोर

फुङ्लिङ। पाँचथरको हिलिहाङ गाउँपालिका९५ सुभाङबाट देखिएको तमोर नदी र तमोर कोरिडोर सडक। नेपाल, भारत र चीनलाई सडक सञ्जालले जोड्ने तमोर कोरिडोर राष्ट्रिय गौरवको आयोजना अन्तर्गत रहेको छ।

Nepali Patra श्रावण २०७९

तमोर कोरिडोर बन्ने

काठमाडौँ,१७ जेठ । सरकारले राष्ट्रिय गौरवको आयोजना तमोर कोरिडोरका लागि आवश्यक बजेट विनियोजन गरेको छ । आइतबार अर्थमन्त्री जनार्दन शर्माले आगामी आर्थिक वर्षका लागि सार्वजनिक गर्नुभएको बजेटमा उक्त करिडोरका लागि प्राथमिकतामा राखी आवश्यक रकमको व्यवस्था गरिएको हो । चीन र भारतलाई जोड्न कोरिडोर नेपालको अन्तिम बस्ती तथा चीनको सीमावर्ती क्षेत्र ताप्लेजुङको फक्ताङलुङ गाउँपालिका—७ ओलाङचुङगोलामा अहिले […]

Reporters Nepal बैशाख २०७९

तमोर कोरिडोर निर्माण द्रुत गतिमा

ताप्लेजुङ । राष्ट्रिय गौरवको आयोजना तमोर कोरिडोर निर्माण द्रुत गतिमा भइरहेको छ । कोरिडोरअन्तर्गत चीनको सीमावर्ती क्षेत्र ताप्लेजुङको फक्ताङलुङ गाउँपालिका–७ ओलाङचुङ गोलासम्म हाल ट्र्याक खोल्ने काम भइरहेको छ । आगामी फागुन मसान्तसम्म चीनको सीमावर्ती क्षेत्रसँग जोड्ने गरी काम भइरहेको निर्माण कम्पनीका प्रतिनिधि राजीव लामिछानेले जानकारी दिए । ‘चीनको रिउ बजारसँग कोरिडोर जोडिनेछ,’ टिप्ताला नाकादेखि ओलाङचुङगोला हुँदै गैरी पाटीसम्म ३५ किलोमिटर लामो ट्र्याक दुई वर्षअघि नै खोल्ने काम भइसकेको छ ।’ सुनसरीको चतरादेखि धनकुटाको मूलघाट, तेह्रथुम, पाँचथर र ताप्लेजुङको ओलाङ्चुङगोलाको सुकेपानीसम्म कोरिडोर निर्माण गरिएको छ । भारत र चीनसँग सडक सञ्जालले जोड्ने आयोजनाका सूचना अधिकारी माधव पौडेलले बताए । सुनसरीको चतरादेखि ओलाङ्चुङगोलासम्म उक्त कोरिडोर २३० किलोमिटर लामो छ । ओलाङ्चुङगोलादेखि टिप्ताला नाकासम्म २४ किलोमिटर पर्दछ । तमोर कोरिडोरको कूल लम्बाइ २५४ किलोमिटर रहेको छ । जोगवनी नाकादेखि चतराको लम्बाइ ६० किलोमिटर छ । ‘कोरिडोरको ट्र्याक निर्माण अन्तिम चरणमा पुगेको छ,’ पौडेलले भने । धनकुटाको मूलघाटबाट तमोर कोरिडोर खन्न शुरू गरिएको हो । ओलाङ्चुङगोलामा ३०० मिटर ट्र्याक निर्माण सकिएको छ । तमोर कोरिडोरअन्तर्गत हाल धनकुटा, पाँचथर र ताप्लेजुङमा काम भइरहेको छ । सो खण्डमा १० पुल निर्माणाधीन अवस्थामा छन् । सुकेपानीदेखि गैरीपाटीसम्मको तीन किलोमिटर क्षेत्रमा मात्र काम बाँकी छ । तमोर कोरिडोर निर्माण २०६५ सालमा थालिएको हो । सडक उपभोक्ता समिति गठन गरी निर्माण प्रारम्भ भएको हो । भारत र चीनलाई जोड्ने सबैभन्दा छोटो सडकका रूपमा तमोर कोरिडोरलाई विकास गर्न लागिएको हो । सडक निर्माणमा हालसम्म ४० करोड २० लाख खर्च भएको आयोजनाले बताएको छ । सडकले नेपाललाई भारतको जोगवनी र चीनको तिब्बतस्थित रियु व्यापारिक केन्द्रसँग जोड्नेछ । रासस

Aarthik Abhiyan कार्तिक २०७८

तस्वीर : राष्ट्रिय गौरवको आयोजना तमोर कोरिडोर

ताप्लेजुङको फक्ताङ्लुङ गाउँपालिका—६ इला डाँडाखण्डमा राष्ट्रिय गौरवको आयोजना तमोर कोरिडोर सडकको ग्याबिन वाल बनाउँदै मजदूर । कोरिडोरमार्फत नेपाल र चीन सडक सञ्जाल जोडिन तीन किलोमिटर मात्र बाँकी रहेकोे छ । तस्वीर : रासस

Aarthik Abhiyan आश्विन २०७८

तमोर कोरिडोर निर्माण स्थगित

ताप्लेजुङ । दुई छिमेकी राष्ट्र जोड्ने राष्ट्रिय गौरवको आयोजना तमोर कोरिडोरको निर्माण स्थगित भएको छ । ताप्लेजुङको फक्ताङ्लुङ गाउँपालिका–६ इलाडाँडासम्म निर्माण भएको कोरिडोर कोभिडका कारण आवश्यक सामग्री ढुवानीमा समस्या भएपछि गत हप्तादेखि रोकिएको हो । निषेधाज्ञा लागू भएपछि आवश्यक सामग्री ल्याउन नसकिएकाले निर्माण स्थगित गरिएको एलाइट निर्माण कम्पनीका प्रतिनिधि राजीव लामिछानेले बताए । ‘सातओटा एक्स्क्याभेटरले ट्र्याक खोल्ने कार्य गर्दै आएकोमा बिर्तामोडबाट डिजेल ढुवानी गर्न समस्या भएपछि स्थगित गर्नुपरेको हो,’ उनले भने । तमोर कोरिडरमा चार किलोमिटर ट्याक खुल्न बाँकी रहेको उत्तर–दक्षिण लोकमार्गका सूचना अधिकारी तथा इन्जिनीयर माधव पौडेलले बताए । विस्फोटक पदार्थको प्रयोगले कडा चट्टान फोरेर ट्र्याक खोलिएको छ । रासस

Aarthik Abhiyan बैशाख २०७८

तमोर कोरिडोरका पुल निर्माणको काममा ढिलाइ

सम्बन्धित सामग्री