सल्यानको एक विद्यालयका विद्यार्थीले खाजा खाने पैसा बचाएर खुत्रुकेमा जम्मा गर्न थालेका छन् । शारदा नगरपालिका–३ खलंगामा रहेको एम.एम. एकेडेमीले खुत्रुके बचत कार्यक्रम सञ्चालन गरेपछि विद्यार्थीले आफूले खाजा खाने पैसा बचाएर खुत्रुकेमा जम्मा गर्न थालेका हुन् ।
विद्यार्थीहरूले खाजाको पैसा बचाएर ३७ हजार २ सय १४ रूपैयाँ जम्मा गरेको विद्यालयले जनाएको छ । विद्यालयले खुत्रुके बचत कार्यक्रम सञ्चालन गरेपछि उनीहरूले दैनिक खाजा खान ल्याएको पैसा बचत गर्न थालेका हुन् ।
