ऊर्जा, जलस्रोत तथा सिँचाइमन्त्री पम्फा भुसालले १ हजार २ सय मेगावाट क्षमताको बुढीगण्डकी जलविद्युत् आयोजना सरकारले नै बनाउने बताउनुभएको छ। उहाँले जलाशययुक्त आयोजना निर्माण खर्चिलो हुने भएकाले राज्यले नै बनाउने बताउनुभयो। गोरखा, नुवाकोट र धादिङका जिल्लाको सीमा क्षेत्र घ्यालचोकमा निर्माण हुने उक्त, आयोजना राष्ट्रिय गौरवका आयोजनाहरूमध्ये एक आयोजनाको रूपमा लिइएको छ।
