मंसिर महीनामाभन्दा बढ्यो कुमारी इक्वीटी फण्डको धितोपत्र लगानी मूल्य

माघ १०, काठमाडौं । कुमारी इक्वीटी फण्डको धितोपत्र तथा अन्य शिर्षकमा गरेको लगानी मूल्य मंसिर महीनाको तुलनामा पुस महीनामा बढेको छ । कुमारी सामुहिक लगानी कोष अन्तर्गत सञ्चालित उक्त योजनाको पुस मसान्तसम्म धितोपत्रमा गरेको लगानीको बजार मूल्य रू. ५७ करोड ५२ लाख १५ हजार रहेको छ । यो मूल्य मंसिर मसान्तसम्म रू. ४० करोड ४१ लाख १ हजार थियो । योजनाले सोमवार सार्वजनिक गरेको पुस मसान्तसम्मको खुद सम्पत्ति मूल्य सम्बन्धी विवरण अनुसार पुस मसान्तसम्म योजनाले धितोपत्रमा गरेको लगानीको परल मूल्य धितोपत्र दलाल कमिसनसहित रू. ७२ करोड २९ लाख ३ हजार रहेको छ । योजनाको धितोपत्रमा गरेको लगानीको परल मूल्यभन्दा बजार मूल्य कम रहेको छ । यस अवधिसम्म योजनाले रू. १५ करोड बैंक मुद्दती निक्षेपमा लगानी गरेको छ । योजनाको नाफा पनि यो महीना बढेको छ । मंसिर मसान्तसम्म रू. ३१ लाख ४३ हजार नाफा गरेको उक्त योजनाले पुस मसान्तसम्म रू. ८ करोड १२ लाख ९८ हजार नाफा गरेको हो । मंसिर महीनामा रू. १ करोड १६ लाखभन्दा बढी रहेको योजनाको जम्मा आम्दानी पुस महीनामा रू. ९ करोड १४ लाखभन्दा बढी छ । आम्दानी गत महीनाको भन्दा यो महीना बढेकाले नाफामा वृद्धि देखिएको हो । मंसिर महीनामा रू. १० दशमलव २४ रहेको योजनाको प्रतिइकाई खुद मूल्य पुस महिनामा रू. ११ दशमलव शून्य २ पुगेको छ । उक्त योजनाले १० करोड इकाई जारी गरेको थियो । धितोपत्र बजारमा लगानी गरी नाफा कमाउने उद्धेश्यसहित सञ्चालनमा रहेको यो बन्दमुखी प्रकृतिको योजना हो । १० वर्षे अवधिको उक्त योजना २०७७ साल चैत ५ गतेदेखि सञ्चालनमा रहेको छ । २०८७ साल चैत ४ गतेसम्म योजना सञ्चालनमा रहनेछ । योजना व्यवस्थापकमा कुमारी क्यापिटल लिमिटेड रहेको छ ।

पूर्ण विवरण

सम्बन्धित सामग्री

कुमारी इक्वीटी फण्डको प्रति इकाई खुद मूल्य बढ्यो

Aarthik Abhiyan आषाढ २०८१

कुमारी इक्वीटी फण्ड र कुमारी धनवृद्धि योजनाको न्याभ बढ्यो

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड र कुमारी धनवृद्धि योजनाले फागुन महीनाको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी दुवै फण्डको न्याभ माघ महीनाको तुलनामा फागुन महीनामा वृद्धि भएको छ । कुमारी इक्वीटी फण्डको न्याभ माघ मसान्तमा १० रुपैयाँ ३२ पैसा रहेकोमा फागुन मसान्तमा बढेर १० रुपैयाँ ३५ पैसा पुगेको हो । कुमारी धनवृद्धि योजनाको न्याभ माघ मसान्तमा १० रुपैयाँ ९० पैसा रहेकोमा फागुन मसान्तमा बढेर १० रुपैयाँ ९६ पैसा पुगेको हो । त्यस्तै यस फण्डले फागुन मसान्तसम्ममा रू. ५ करोड ३९ लाख नाफा कमाएको छ । यो नाफा माघ मसान्तसम्ममा रू. ४ करोड ६७ लाख थियो । फागुन महीनामा फण्डको आम्दानीमा वृद्धि भएसँगै नाफा बढ्न टेवा पुगेको हो । माघ महीनामा फण्डको जम्मा आम्दानी रू. ६ करोड ५ लाख रहेकोमा फागुन महीनामा बढेर रू. ६ करोड ९६ लाख पुगेको हो । त्यस्तै कुमारी इक्वीटी फण्डको नाफा पनि माघ महीनाको तुलनामा फागुन महीनामा वृद्धि भएको छ । माघ मसान्तमा फण्डले रू. २ करोड ९४ लाख नाफा कमाएकोमा फागुन मसान्तसम्ममा बढेर रू. ३ करोड २६ लाख पुगेको हो । फागुन महीनामा यस फण्डको आम्दानीमा वृद्धि भएसँगै नाफा बढ्न टेवा पुगेको हो । माघ मसान्तमा फण्डको जम्मा आम्दानी रू. ४ करोड ३ लाख रहेकोमा फागुन मसान्तमा बढेर रू. ४ करोड ४९ लाख पुगेको छ । कुमारी इक्वीटी फण्डकाे रिपाेर्ट हेर्न यहाँ क्लिक गर्नुहाेस् कुमारी धनवृद्धि योजनाकाे रिपाेर्ट हेर्न यहाँ क्लिक गर्नुहाेस्

Aarthik Abhiyan फाल्गुन २०८०

कुमारी सामूहिक लगानी कोषका तीनओटै फण्डको न्याभ बढ्यो

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी सुनौलो लगानी योजना र कुमारी धनवृद्धि योजनाले मङ्सिर मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी तीनओटै फण्डको न्याभ कात्तिकको तुलनामा मङ्सिरमा वृद्धि भएको छ । कुमारी इक्वीटी फण्डको न्याभ कात्तिक मसान्तमा ९ रुपैयाँ ४१ पैसा रहेकोमा मङ्सिर मसान्तमा बढेर ९ रुपैयाँ ९९ पैसा पुगेको हो । कुमारी सुनौलो लगानी योजनाको न्याभ कात्तिक मसान्तमा १० रुपैयाँ ०७ पैसा रहेकोमा मङ्सिर मसान्तमा बढेर १० रुपैयाँ ६७ पैसा पुगेको हो । त्यस्तै कुमारी धनवृद्धि योजनाको न्याभ कात्तिक मसान्तमा ९ रुपैयाँ ९३ पैसा रहेकोमा मङ्सिर मसान्तमा बढेर १० रुपैयाँ ५२ पैसा पुगेको छ । यस फण्डको नोक्सानी घटेको छ । कात्तिक मसान्तमा फण्ड रू. ७ करोड २४ लाख नोक्सानीमा रहेकोमा मङ्सिर मसान्तमा घटेर रू. २ लाख ४७ हजार पुगेको हो । यस फण्डले मङ्सिर मसान्तसम्ममा सूचीकृत शेयरमा रू. ८३ करोड ९१ लाख लगानी गरेको छ । त्यस्तै कुमारी इक्वीटी फण्डले मङ्सिर मसान्तसम्ममा सूचीकृत शेयरमा रू. ७३ करोड ६५ लाख लगानी गरेको छ । यो लगानी कात्तिक मसान्तमा रू. ६८ करोड ५९ लाख थियो । यस फण्ड मङ्सिर मसान्तसम्ममा रू. ३५ लाख ९५ हजार नोक्सानीमा छ । कुमारी सुनौलो लगानी योजनाले मङ्सिर मसान्तमा सूचीकृत शेयरमा रू. २७ करोड ४७ लाखभन्दा बढी लगानी गरेको छ । यो लगानी कात्तिक मसान्तमा रू. २५ करोड ४१ लाख थियो । मङ्सिर मसान्तमा यस फण्डले रू. ८ लाख ७९ हजार नाफा कमाएको छ । कुमारी इक्विटीको रिपोर्ट हेर्न यहाँ क्लिक गर्नुहोस् कुमारी सुनौलो योजनाको रिपोर्ट हेर्न यहाँ क्लिक गर्नुहोस् कुमारी धनवृद्धि योजनाको रिपोर्ट हेर्न यहाँ क्लिक गर्नुहोस्

Aarthik Abhiyan मंसिर २०८०

कुमारी इक्वीटी फण्डको नोक्सानी भदौमा बढ्यो

काठमाडौं । कुमारी सामूहिक लगानीकोषअन्तर्गत सञ्चालित कुमारी इक्वीटी फण्ड भदौ मसान्तसम्म २ करोड ९५ लाख रुपैयाँभन्दा बढी नोक्सानीमा रहेको छ । साउन मसान्तसम्मको तुलनामा योजनाको नोक्सानीमा वृद्धि भएको हो । साउन मसान्तसम्म योजना २ करोड १७ लाख रुपैयाँभन्दा बढी मात्र नोक्सानीमा थियो । साउनको तुलनामा योजनाको खर्च बढेको र जम्मा आम्दानीको ऋणात्मक अवस्थामा समेत वृद्धि भएकाले खुद नोक्सानी बढेको हो । साउनमा १ करोड ९८ लाख रुपैयाँभन्दा बढी आम्दानी ऋणात्मक रहेकोमा भदौमा यो रकम २ करोड ६१ लाखभन्दा बढी ऋणात्मक देखिएको छ । त्यस्तै साउनमा १८ लाख ५३ हजार रुपैयाँ खर्च भएकोमा भदौमा ३३ लाख ७० हजार रुपैयाँ खर्च भएको छ । योजनाको प्रतिइकाई खुद मूल्यमा समेत कमी आएको छ । साउन मसान्तसम्म १० रुपैयाँ ८१ पैसा रहेको प्रतिइकाई खुद मूल्य भदौ मसान्तसम्म ९ रुपैयाँ ७३ पैसा कायम भएको छ । १० वर्षे अवधिको बन्दमुखी प्रकृतिको यस योजनाले १० करोड इकाई जारी गरेको थियो । धितोपत्र बजारमा लगानी गरी नाफा कमाउने उद्देश्यसहित सञ्चालित यस योजनाले भदौ मसान्तसम्म धितोपत्र र बैंक मुद्दती निक्षेपमा गरेको लगानीको परल मूल्य कमिसनसहित १ अर्ब १२ करोड १८ लाख रुपैयाँभन्दा बढी छ । करोड रुपैयाँ बैंक मुद्दती निक्षेपमा लगानी गरेको योजनाको कुल लगानीको मूल्य ८९ करोड २१ लाख ४९ हजार रुपैयाँ मात्र छ । योजनाले गरेको लगानीको लागत मूल्यभन्दा बजार मूल्य कम रहेको छ । रिपोर्ट हेर्न यहाँ क्लिक गर्नुहोस्

Aarthik Abhiyan भाद्र २०८०

कुमारी सामूहिक लगानी कोषका तीनओटै फण्डको न्याभ बढ्यो

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी धनवृद्धि योजना र कुमारी सुनौलो योजनाले असार मसान्तको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार यी तीनओटै फण्डको न्याभ जेठ मसान्तको तुलनामा असार मसान्तमा बढेको छ । कुमारी इक्वीटी फण्डको न्याभ जेठ मसान्तमा १० रुपैयाँ ०१ पैसा रहेकोमा असार मसान्तमा १० रुपैयाँ ७२ पैसा पुगेको छ । त्यस्तै कुमारी धनवृद्धि योजनाको न्याभ असार मसान्तमा ११ रुपैयाँ १२ पैसा पुगेको छ । यस फण्डको न्याभ जेठ मसान्तमा १० रुपैयाँ ८५ पैसा थियो । कुमारी सुनौलो योजनाको न्याभ जेठ मसान्तमा १० रुपैयाँ ४३ पैसा रहेकोमा असार मसान्तमा बढेर १० रुपैयाँ ६५ पैसा पुगेको छ । न्याभसँगै यस फण्डको नाफा पनि वृद्धि भएको छ । फण्डले जेठ मसान्तसम्ममा रू. १ करोड ५९ लाख नाफा कमाएकोमा असार मसान्तमा रू. २ करोड ३८ लाख पुगेको छ । असारमा फण्डको आम्दानीमा वृद्धि भएकाले नाफा बढ्न टेवा पुगेको हो । असार मसान्तसम्ममा यस फण्डले सूचीकृत धितोपत्रमा रू. २८ करोडभन्दा बढी लगानी गरेको छ । त्यस्तै कुमारी धनवृद्धि योजनाले असार मसान्तसम्ममा रू. १३ करोड ९८ लाख नाफा कमाएको छ । जेठ मसान्तमा योजनाको नाफा रू. १० करोड ६६ लाख थियो । यस फण्डले जेठ मसान्तमा सूचीकृत शेयरमा रू. ६७ करोड ७२ लाख लगानी गरेकोमा असार मसान्तमा बढाएर रू. ८६ करोड २३ लाख पुर्‍याएको छ । त्यस्तै कुमारी इक्वीटी फण्डले पनि सूचीकृत शेयरमा लगानी बढाएको छ । जेठ मसान्तमा फण्डले सूचीकृत शेयरमा रू. ५८ करोड ४६ लाख लगानी गरेकोमा असार मसान्तमा बढाएर रू. ६८ करोड ३० लाख पुर्‍याएको हो । यस फण्डको नाफा जेठ मसान्तमा रू. ३ करोड २५ लाख ऋणात्मक रहेकोमा असार मसान्तमा रू. ३ करोड ८५ लाख धनात्मक भएको छ । असारमा फण्डको आम्दानीमा वृद्धि भएकाले नाफा भएको हो । कुमारी इक्वीटी फण्डको रिपोर्ट हेर्न यहाँ क्लिक गर्नुहोला कुमारी धनवृद्धि योजनाको रिपोर्ट हेर्न यहाँ क्लिक गर्नुहोला कुमारी सुनौलो योजनाको रिपोर्ट हेर्न यहाँ क्लिक गर्नुहोला

Aarthik Abhiyan आषाढ २०८०

कुमारी म्युचुअल फण्डका तीनओटै फण्डको न्याभ बढ्यो, अन्य सूचक कति ?

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड, कुमारी सुनौलो लगानी योजना र कुमारी धनवृद्धि योजनाले जेठको खुद सम्पत्ति मूल्य विवरण सार्वजनिक गरेका छन् । उक्त वित्तीय विवरण अनुसार तीनओटै फण्डको न्याभ वैशाखको तुलनामा जेठमा वृद्धि भएको छ । कुमारी इक्वीटी फण्डको न्याभ वैशाख मसान्तमा १० रुपैयाँ १ पैसा रहेकोमा जेठ मसान्तमा बढेर १० रुपैयाँ ७२ पैसा पुगेको छ । त्यस्तै कुमारी सुनौलो लगानी योजनाको न्याभ वैशाख मसान्तमा ९ रुपैयाँ ८३ पैसा रहेकोमा जेठ मसान्तमा बढेर १० रुपैयाँ ४३ पैसा पुगेको छ । कुमारी धनवृद्धि योजनाको न्याभ जेठ मसान्तमा १० रुपैयाँ ८५ पैसा पुगेको छ । यस फण्डको न्याभ वैशाख मसान्तमा १० रुपैयाँ २३ पैसा थियो । यस फण्डको न्याभसँगै नाफामा पनि उल्लेख्य वृद्धि भएको छ । फण्डले वैशाख मसान्तसम्ममा रू. ३ करोड ४ लाख नाफा कमाएकोमा जेठ मसान्तमा बढेर रू. १० करोड ६६ लाख पुगेको हो । जेठमा फण्डको आम्दानीमा वृद्धि भएसँगै नाफा बढेको हो । वैशाख मसान्तमा फण्डको जम्मा आम्दानी रू. ४ करोड ९२ लाख रहेकोमा जेठ मसान्तमा बढेर रू. १२ करोड ७६ लाख पुगेको हो । त्यस्तै यस फण्डले जेठ मसान्तसम्ममा सूचीकृत शेयरमा रू. ६७ करोड ७२ लाखभन्दा बढी लगानी गरेको छ । त्यस्तै कुमारी सुनौलो लगानी योजना वैशाख मसान्तमा रू. ६२ लाख ३३ हजार नोक्सानीमा रहेकोमा जेठ मसान्तमा भने रू. १ करोड ५९ लाख नाफा गर्न सफल भएको छ । जेठ मसान्तसम्ममा फण्डले सूचीकृत शेयरमा रू. १९ करोड ३४ लाख लगानी गरेको छ । यो लगानी वैशाख मसान्तमा रू. १० करोड ७७ लाख थियो । यस आधारमा फण्डले वैशाखको तुलनामा जेठमा सूचीकृत शेयरमा लगानी बढाएको छ । कुमारी इक्वीटी फण्डले जेठ मसान्तसम्ममा रू. ३ करोड ८५ लाख नाफा कमाएको छ । यो फण्ड वैशाख मसान्तसम्ममा भने रू. ३ करोड २५ लाख नाफामा थियो । यस फण्डले पनि सूचीकृत शेयरमा लगानी वैशाखको तुलनामा जेठमा बढाएको छ । फण्डले वैशाख मसान्तसम्ममा सूचीकृत शेयरमा रू. ५८ करोड ४६ लाख लगानी गरेकोमा जेठ मसान्तमा रू. ६८ करोड ३० लाख लगानी गरेको हो । कुमारी इक्वीटी फण्डको सूचना हेर्न यहाँ क्लिक गर्नुहोला कुमारी सुनौलो योजनाको सूचना हेर्न यहाँ क्लिक गर्नुहोला कुमारी धनवृद्धि योजनाको सूचना हेर्न यहाँ क्लिक गर्नुहोला

Aarthik Abhiyan जेष्ठ २०८०

कुमारी धनवृद्धि योजना र कुमार इक्वीटी फण्डको न्याभ बढ्यो, नाफा कति ?

काठमाडौं । कुमारी सामूहिक लगानी कोषअन्तर्गत सञ्चालित कुमारी इक्वीटी फण्ड र कुमारी धनवृद्धि योजनाले पुस मसान्तसम्मको खुद सम्पत्ति मूल्य विवरण सार्वजनिक गरेका छन् । विवरणअनुसार दुवै फण्डको न्याभ मङ्सिर महीनाको तुलनामा पुुस महीनामा बढेको छ । कुमारी इक्वीटीको न्याभ मङ्सिर महीनामा रू. १० दशमलव २५ रहेकोमा पुस महीनामा बढेर रू. ११ दशमलव १० पुगेको छ । त्यस्तै कुमारी धनवृद्धि योजनाको न्याभ मङ्सिर महीनामा रू. १० दशमलव १५ रहेकोमा पुस महीनामा बढेर रू. १० दशमलव ६८ पुगेको छ । त्यस्तै कुमारी धनवृद्धि योजनाको नाफा मङ्सिरको तुलनामा पुस महीनामा ४ दशमलव १५ गुणा वृद्धि भएको छ । फण्डले मङ्सिर मसान्तसम्म रू. २ करोड ६ लाख नाफा कमाएकोमा पुस मसान्तसम्म बढेर रू. ८ करोड ६० लाख पुगेको छ । पुस महीनामा यस फण्डको आम्दानी वृद्धि भएको छ । मङ्सिर मसान्तसम्म फण्डले कुल रू. ३ करोड आम्दानी गरेकोमा पुस मसान्तसम्ममा बढेर रू. ९ करोड ७३ लाख पुगेको छ । त्यस्तै कुमारी इक्वीटी फण्डले पनि पुस मसान्तसम्ममा रू. ७ करोड ६७ लाख नाफा कमाएको छ । मङ्सिर मसान्तसम्म यस फण्डले रू. ८६ लाख ३२ हजार नोक्सानी व्यहोरेको थियो । यस फण्डले पुस मसान्तसम्ममा रू. ८ करोड ६६ लाख आम्दानी गर्न सफल भएकोले नाफा सुधारिएको हो । मङ्सिर मसान्तसम्ममा फण्डको आम्दानी रू. ६ लाख १३ हजार ऋणात्मक थियो । पुस महीनामा शेयर बजार बढेसँगै म्युचुअल फण्डको न्याभलगायत नाफामा सुधार आएको छ । म्युचुअल फण्डहरूले आफ्नो अधिकांश फण्ड शेयर बजारमा लगानी गरेका हुन्छन् । सोही कारण शेयर बजारको घटबढसँगै फण्डको नाफा÷नोक्सानलगायत न्याभमा असर परेको देखिन्छ ।

Aarthik Abhiyan पौष २०७९