साउन २६, काठमाडौं । आँखुखोला जलविद्युत् कम्पनीले गत आवको चौथो त्रैमासिक वित्तीय विवरण मंगलवार सार्वजनिक गरेको छ ।
उक्त वित्तीय विवरण अनुसार कम्पनीले गत आवको चौथो त्रैमासमा रू. १० लाख ५२ हजार नाफा कमाएको छ । अघिल्लो आवको चौथो त्रैमासमा कम्पनी रू. ३ करोड १० लाख नोक्सानीमा थियो ।
गत आवमा ह्रासकट्टी खर्च घटेका कारण कम्पनीको नाफामा सुधार आएको हो । अघिल्लो आवमा कम्पनीको ह्रासकट्टी खर्च रू. ८ करोड २० लाखबाट घटेर गत आवमा रू. २ करोड ८५ लाखमा सीमित भएको हो । सोही कारण अघिल्लो आवमा नोक्सानीमा रहेको कम्पनी नाफामा आएको हो ।
अघिल्लो आवको तुलनामा गत आवमा कम्पनीको विद्युत् विक्री आम्दानी भने १४ प्रतिशतले कमि आएको छ ।अघिल्लो आवमा विद्युत् विक्री बापत रू. २२ करोड ६२ लाख ७० हजार आम्दानी गरेको उक्त कम्पनीको आम्दानी गत आवमा घटेर रू.१९ करोड ३५ लाख ७८ हजारमा सीमित भएको छ ।
चुक्तापूँजी रू.८० करोड रहेको उक्त कम्पनीको जगेडा कोष भने रू. २६ करोड २२ लाख ९८ हजार ऋणात्मक रहेको छ । कम्पनीको प्रतिशेयर आम्दानी १३ पैसा र प्रतिशेयर नेटवर्थ रू. ६७ दशमलव २१ पैसा रहेको छ ।
