वैशाख १७, काठमाडौं । आँखुखोला जलविद्युत् कम्पनी लिमिटेडले चालू आर्थिक वर्षको तेस्रो त्रैमाससम्म रू. ३ करोड ४ लाखभन्दा बढी खुद नाफा गरेको छ ।
गत वर्षभन्दा यस वर्ष कम्पनीको खुद नाफा १६८ दशमलव ५७ प्रतिशत बढेको हो । गत वर्ष यस अवधिसम्म कम्पनीको खुद नाफा रू. १ करोड १३ लाखभन्दा बढी थियो ।
गत वर्ष रू. १४ करोड ७८ लाखभन्दा बढी आम्दानी गरेको कम्पनीले यस वर्ष रू. १७ करोड ३७ लाखभन्दा बढी आम्दानी गरेको हो । आम्दानी बढेसँगै कम्पनीको सञ्चालन नाफा यस वर्ष १४ दशमलव ८० प्रतिशत बढेसँगै नाफामा बृद्धि भएको हो ।
हाल कम्पनीको चुक्तापूँजी रू. ८० करोड रहेको छ भने जगेडा कोष रकम रू. २३ करोड २९ लाखभन्दा बढी ऋणात्मक रहेको छ । ऋणात्मक रकम भने गत वर्षभन्दा यस वर्ष ६ दशमलव २८ प्रतिशत कम भएको हो । कम्पनीको वार्षिक प्रतिशेयर आम्दानी रू. ५ दशमलव शून्य ८ रहेको छ ।
कम्पनीको तेस्रो त्रैमासिक वित्तीय विवरण हेर्न यहाँ क्लिक गर्नु होला